गंगटोकम्, 31 अगस्तमासः (हि.स.)। नेपालदेशे आपतितया विनाशकारिण्या जलप्लावनस्य प्राकृतिकापदाभिश्च प्रभावितानां नागरिकानां प्रति ऐक्यभावं प्रकटयन् सिक्किमसर्वकारेण राहत्-स्वास्थ्यसहायतां च प्रदातुं पहलः कृता अस्ति। अस्याः योजनायाः अन्तर्गतं प्रभावितजनानां कृते आवश्यकाः रक्षणसामग्र्यः चिकित्सासहायता च नेपालदेशं प्रति प्रेष्येते।

अस्य मानवीयस्य उपक्रमस्य अग्रे विस्तारं कुर्वन् मुख्यमन्त्री प्रेमसिंहतमाङ्गः सोमवासरे प्रातः ‘सिक्किम् फॉर् नेपाल’ इत्यभियानस्य अन्तर्गतं सत्तारूढस्य सिक्किमक्रान्तिकारीमोर्चा (एसकेएम) दलस्य समर्पितां टीम् राहत्सामग्रीभिः चिकित्सासहायतया च नेपालदेशं प्रति प्रस्थापितवान्।

मुख्यमन्त्रिणा सामाजिकमाध्यमेन प्रकाशिते सन्देशे उक्तं यत् एषा पहलः परस्परकरुणां, मानवतां भ्रातृत्वभावनां च प्रतिबिम्बयति। सः आपदाकाले सर्वेभ्यः एकतया कठिनपरिस्थितीनां सम्मुखीभवन्तः जनान् साहाय्यं कर्तुं स्वहस्तं प्रसारयितुं च आह्वानं कृतवान्।

मुख्यमन्त्री तमाङ्गः नेपालदेशे स्वजनान् प्रियजनांश्च विहाय शोकाकुलानां कुटुम्बानां प्रति गभीरां संवेदनां व्यक्तवान्। सः आपदापीडितानां प्रभावितनागरिकाणां प्रति ऐक्यभावं प्रकटयन् अवदत् यत् नेपालः यदा पुनर्वासस्य पुनर्निर्माणस्य च कठिनयात्राम् आरभते, तस्मिन् समये सिक्किमः तस्य पार्श्वे दृढतया स्थितः अस्ति।--------------

Hindusthan Samachar / Dheeraj Maithani