देवसंस्कृतिविश्वविद्यालयस्य द ब्रिटिश यूनिवर्सिटी इन इजिप्ट इत्यनेन सह अभवत् एमओयू-सन्धिः

हरिद्वारम्, ३१ अगस्तमासः (हि.स.)। भारतस्य मिस्रदेशस्य च समृद्धानां सांस्कृतिकानां ज्ञानपरम्पराणां च आधुनिकशिक्षया युवविकासेन च सह संयोजनस्य दिशि हरिद्वारस्थितयोः देवसंस्कृतिविश्वविद्यालयस्य काहिरा-स्थितायाः द ब्रिटिश यूनिवर्सिटी इन इजिप्ट इत्येतयोः मध्ये सोमवासरे महत्त्वपूर्णः सन्धि: अभवत्। मिस्रदेशयात्रायाः समये देवसंस्कृति-विश्वविद्यालयस्य उपाध्यक्षस्य डॉ. चिन्मयपण्ड्या इत्यस्य द ब्रिटिश यूनिवर्सिटी इन इजिप्ट इत्यत्र विशेषस्वागतम् अभवत्। अस्मिन् अवसरे उभयोः संस्थयोः मध्ये शैक्षणिकसन्धौ हस्ताक्षराणि कृतानि।

अस्मिन् अवसरे देसंविवि-इत्यस्य उपाध्यक्षः डॉ. चिन्मयपण्ड्या अवदत् यत् भारतं मिस्रदेशश्च विश्वस्य प्राचीनज्ञानस्य संस्कृतेः च परम्परायाः द्वौ महत्त्वपूर्णौ देशौ स्तः। उभयोः देशयोः सभ्यताभिः मानवतायै ज्ञानस्य, जीवनमूल्यानां संस्कृतेः च समृद्धा परम्परा प्रदत्ता अस्ति। अधुना आवश्यकता अस्ति यत् एतां विरासतं आधुनिकशिक्षया, अनुसन्धानकार्येण युवशक्त्या च संयोज्य भविष्यस्य नूतना दिशा निर्धार्येत। सः अवदत् यत् शिक्षायाः उद्देश्यं केवलं रोजगारप्राप्तिः न, अपि तु तादृशानां व्यक्तित्वानां निर्माणम् अस्ति, ये समाजस्य विश्वस्य च प्रति स्वदायित्वं अवगच्छेयुः। भारतस्य मिस्रदेशस्य च विश्वविद्यालयानां मध्ये वर्धमानः संवादः विद्यार्थिभ्यः युवभ्यश्च परस्परस्य संस्कृतिं, विचारान् ज्ञानपरम्परां च अवगन्तुं अवसरं प्रदास्यति। अनेन वैश्विकस्तरे अधिक-संवेदनशीलायाः, उत्तरदायित्व-सम्पन्नायाः सृजनशीलायाश्च युववंशस्य निर्माणे साहाय्यं भविष्यति।

डॉ. पण्ड्या अवदत् यत् देवसंस्कृति-विश्वविद्यालयः शिक्षां ज्ञानस्य, संस्कृतेः, चरित्रनिर्माणस्य सेवायाश्च सह सम्बद्धां दृष्टुं परम्परायां विश्वासं करोति। सः आशां व्यक्तवान् यत् उभयोः विश्वविद्यालययोः मध्ये सम्पन्नः अयं सन्धि: शैक्षणिकसहयोगेन सह अनुसन्धानस्य, सांस्कृतिकादानप्रदानस्य युवभ्यश्च नवी-नावसराणां आधारः भविष्यति। अस्य सन्धे: माध्यमेन उभयोः संस्थयोः मध्ये शैक्षिकशैक्षणिकसहयोगस्य संवर्धनं, ज्ञानस्य आदानप्रदानं तथा च अग्रिमवंशाय सार्थकावसराणां विकासः इत्येषां दिशि कार्यं क्रियते।

अस्मिन् अवसरे डॉ. चिन्मयपण्ड्या इत्यस्मै सम्मानस्य मैत्रीभावस्य च प्रतीकरूपेण प्रतिष्ठितः ‘काहिरा-शील्ड्’ इति सम्मान-चिह्नं प्रदाय सम्मानितः। द ब्रिटिश् यूनिवर्सिटी इन इजिप्ट् इत्यनया डॉ. पण्ड्या इत्यस्य यात्रायै कृतज्ञता व्यक्तीकृता तथा च उभयोः संस्थयोः मध्ये सुदृढस्य दीर्घकालिकस्य च सहभागितासम्बन्धस्य आशा व्यक्ता।

Hindusthan Samachar / Divya Ranjan