शिवसागरम् (असमः), 05 अगस्तमासः (हि.स.)।

असमराज्यस्य मुख्यमन्त्री डा हिमन्तबिस्वशर्मा बुधवासरे शिवसागरजनपदस्य जलप्रलयपीडिते नेपालीखूंटी तथा नाजिरा क्षेत्रे भ्रमणं कृत्वा प्रभावितपरिवारेभ्यः सर्वसम्भवसहायतायाः आश्वासनम् अददात्। तेन अधिकारिणः निर्देशिताः यत् येभ्यः जनाभ्यः चतुर्लक्षरूप्यकाणां पञ्चलक्षरूप्यकाणां वा सहायतराशेः धनादेशाः अद्यावधि न प्राप्ताः तेषां कृते ते तत्कालमेव प्रदीयन्ताम्।

मुख्यमन्त्री अधिकारिभ्यः बाढया क्षतिग्रस्तगृहाणां मृतपशूनां च सूचीं शीघ्रं सज्जीकर्तुं निर्देशम् अददात्। तेन आश्वासनं दत्तं यत् सर्वकारः सर्वेषां क्षतिग्रस्तगृहाणां पुनर्निर्माणं कारयिष्यति तथा येषां परिवाराणां गावः वृषभाः वा बाढायां मृताः तेभ्यः नूतनाः पशवः प्रदास्यन्ते।

मुख्यमन्त्री अवदत् यत् मृतः जनः पुनः प्रत्यानेतुं न शक्यते किन्तु सर्वकारः सर्वसम्भवं साहाय्यं करिष्यति। सर्वेषां प्रभावितपरिवाराणां गृहाणि निर्मास्यन्ते तथा पुनर्वासकार्ये तेषां पूर्णसहयोगः क्रियिष्यते।

भ्रमणस्य अवसरे मुख्यमन्त्री नाजिराक्षेत्रस्य बामुनपुखुरीस्थं तं परिवारम् अपि अमिलत् यस्य सदस्यः रिदिन पाणीकार बाढाकाले स्वस्य पालितशुनकस्य रक्षणस्य प्रयत्ने मृतिम् अगच्छत्। तेन शोकसन्तप्तपरिवारस्य प्रति गाढसंवेदना व्यक्ता तथा आर्थिकसहायता अपि प्रदत्ता।

स्थानीयजनानां याचनानुसारं मुख्यमन्त्री नेपालीखूंटीक्षेत्रे दुग्धप्रसंस्करणएककस्य स्थापनायाः आश्वासनम् अददात्। तेन एतदपि उद्घोषितं यत् ये बाढपीडिताः अद्यावधि पञ्चदशसहस्ररूप्यकाणां राहतराशिं न प्राप्तवन्तः तेभ्यः शीघ्रमेव धनादेशेन सहायता प्रदास्यते।

मुख्यमन्त्री नाजिराक्षेत्रस्य बामुनपुखुरीस्थे बाढायाः स्थितेः अपि अवलोकनम् अकरोत् यत्र विनाशकारिण्या जलप्रलयेन चायोपवनश्रमिकाणां निवासगृहाणि पूर्णतया क्षतिग्रस्तानि अभवन्। तेन चायोपवनश्रमिकैः सह संवादं कृत्वा तेषां समस्याः अशृणोत् तथा समुचितपुनर्वासस्य सहायतायाश्च आश्वासनम् अददात्।

-----------

Hindusthan Samachar / Dheeraj Maithani