Enter your Email Address to subscribe to our newsletters
भारतीयक्रीडायाः इतिहासे ०७ अगस्तमासः १९८५ इति दिवसः बिलियर्ड्स-क्रीडायाः कृते सुवर्णाक्षरैः लिखितः अस्ति। अस्मिन्नेव दिने भारतस्य महान् क्यू-क्रीडकः गीतश्रीरामसेठी विश्व-अमैच्योर-बिलियर्ड्स-चैम्पियनशिप-प्रतियोगितायाः उपाधिं विजित्य अन्ताराष्ट्रियमञ्चे भारतस्य गौरवं वर्धितवान्।
अन्तिमस्पर्धायां गीतसेठिनः प्रतिस्पर्धी ऑस्ट्रेलियादेशस्य अनुभवी क्रीडकः बॉबमार्शलः आसीत्। उभयोः मध्ये प्रायः अष्टहोरापर्यन्तं सम्पन्ने अत्यन्त-मनोरञ्जके कठिनस्पर्धायां गीतसेठी उत्कृष्टक्रीडाप्रदर्शनं कृत्वा विश्वविजेतृत्वं प्राप्तवान्। एषा स्मरणीया स्पर्धा दीर्घकालं यावत् क्रीडाजगति चर्चाविषयः अभवत्।
अनेन ऐतिहासिकविजयेन गीतसेठी विश्वबिलियर्ड्सस्य श्रेष्ठक्रीडकाणां मध्ये प्रतिष्ठां प्राप्तवान्। तेन सह भारते बिलियर्ड्स-स्नूकर-इत्येतयोः क्यू-क्रीडयोः लोकप्रियता अपि बहुधा वर्धिता।अनन्तरवर्षेषु गीतसेठी अनेके विश्वविजयान् सम्पाद्य भारतस्य यशः विश्वे प्रसारितवान्। क्रीडाक्षेत्रे असाधारण-योगदानस्य कृते सः अर्जुनपुरस्कारेण, राजीवगान्धी-खेलरत्न-पुरस्कारेण, पद्मश्रीसम्मानेन च सम्मानितः।
प्रमुखाः घटनाः
• १६०६ – शेक्सपियरस्य मैक्बेथनामकनाटकस्य प्रथमं मंचनं राजा जेम्स-प्रथमस्य पुरतः अभवत्।• १६६८ – आइज़कन्यूटनः ट्रिनिटी-कॉलेज, कैम्ब्रिज-विश्वविद्यालयात् स्नातकोत्तर-उपाधिं प्राप्तवान्।• १७५३ – ब्रिटिश-संग्रहालयस्य स्थापना अभवत्।• १८८० – ‘उचितवक्ता’ नामकं समाचारपत्रं पण्डितदुर्गाप्रसादमिश्रेण प्रकाशितम्।• १९०५ – भारतीयराष्ट्रीयकाङ्ग्रेसेण ब्रिटिशवस्तूनां बहिष्कारस्य आह्वानं कृतम्, येन स्वदेशी-आन्दोलनं प्रोत्साहितम्।• १९१४ – रूसदेशेन पूर्व-प्रशियायां आक्रमणं कृतम्।• १९४४ – प्रथमस्य विशाल-इलेक्ट्रॉनिक-गणकयन्त्रस्य निर्माणम् अभवत्।• १९४६ – ब्रिटेन इत्यत्र प्रथमवारं मुद्रायाम् अश्वेतव्यक्तेः चित्रस्य मुद्रणाय अनुमतिः प्रदत्ता।• १९४७ – मुम्बई-नगरनिगमाय विद्युत्-परिवहनव्यवस्था औपचारिकरूपेण हस्तान्तरिता।• १९४७ – मुहम्मद-अली-जिन्ना पाकिस्तानदेशं प्रति प्रस्थितः।• १९५७ – अमेरिकादेशेन नेवाडा-परीक्षणस्थले परमाणुपरीक्षणं कृतम्।• १९६० – आइवरी-कोस्ट-देशः फ्रान्सदेशात् स्वतन्त्रतां प्राप्तवान्।• १९६६ – अमेरिकादेशस्य मिशिगन-राज्ये लैंसिङ्ग-नगरे जातीयकलहः अभवन्।• १९७२ – युगाण्डादेशस्य नेता इदी-अमीन् एशियामूलोत्पन्नजनान् नवत्यहाभ्यन्तरे देशत्यागस्य आदेशम् अयच्छत्।• १९८५ – गीतसेठी विश्व-अमैच्योर-बिलियर्ड्स-चैम्पियनशिप्-प्रतियोगितायां बॉब-मार्शलम् पराजित्य विजयी अभवत्।• १९९० – अमेरिकादेशेन सऊदी-अरबदेशे सेनां प्रेष्य ‘ऑपरेशन डेजर्ट शील्ड’ इत्यस्य आरम्भः कृतः।• १९९१ – ईरानदेशस्य पूर्वप्रधानमन्त्री शापूर-बख्तियारस्य हत्या अभवत्।• १९९४ – इजराइल-जॉर्डनदेशयोः मध्ये प्रथमवारं दूरभाषसेवा प्रारब्धा।• १९९६ – वैज्ञानिकैः मंगलग्रहे एककोशिकीयजीवनस्य सम्भावना उद्घाटिता।• १९९८ – केन्या-तञ्जानिया-देशयोः अमेरिकीदूतावासयोः आतङ्कवादी-आक्रमणे द्विशताधिकाः जनाः मृताः।• १९९९ – पाकिस्तानस्य प्रधानमन्त्री नवाज-शरीफः भारतेन सह पुनः वार्तायाः प्रस्तावम् अकरोत्।• २००० – रूसदेशस्य राष्ट्रपतिः व्लादिमीर-पुतिनः स्वाधिकारविस्ताराय विधेयके हस्ताक्षरम् अकरोत्।• २००३ – बगदादे जॉर्डन-दूतावासस्य बहिः कार-विस्फोटे द्वादश जनाः मृताः।• २००५ – इजराइलदेशस्य वित्तमन्त्री बेन्जामिन् नेतन्याहू स्वपदात् त्यागपत्रम् अददात्।• २००८ – देना-धनागारेण तथा कॉर्पोरेशन-धनागारेण प्रमुखव्याजदराः वर्धिताः।• २०१२ – नाइजीरियादेशस्य ओकेन-नगरे गिरिजाघरे आक्रमणे १९ जनाः मृताः।• २०१३ – पाकिस्तानस्य कराची-नगरे बमविस्फोटे ११ जनाः मृताः।• २०१५ – प्रथमः राष्ट्रीय-हस्तकरघा-दिवसः आचरितः।• २०१८ – स्वीडनदेशीयः ‘आइकिया’ नामकः फर्नीचर-ब्राण्ड भारते स्वप्रथमं भण्डारम् उद्घाटितवान्।
जन्म• १३०४ – फ्रान्सिस्को पेट्रार्कः – इटलीदेशीयः लेखकः।• १७०२ – मुहम्मदशाहः रौशन-अख्तरः – मुगलवंशस्य चतुर्दशः बादशाहः।• १८७१ – अवनीन्द्रनाथः ठाकुरः – प्रख्यातः चित्रकारः साहित्यकारश्च।• १९०० – मलिक-खिजार-हयात-तिवाना – राजनीतिज्ञः सैनिकाधिकारी च।• १९०४ – वासुदेवशरण-अग्रवालः – भारतस्य विख्यातः विद्वान्।• १९०७ – सचिन्द्रलालसिंहः – भारतीयराष्ट्रीयकाङ्ग्रेसस्य राजनीतिज्ञः।• १९२५ – एम. एस. स्वामीनाथन् – हरितक्रान्तेः प्रमुखः भारतीयकृषिवैज्ञानिकः।• १९५५ – सुरेश-वाडेकरः – सुप्रसिद्धः भारतीयगायकः।• १९७५ – चार्लीज् थेरॉन – दक्षिण-आफ्रिकादेशीय-अभिनेत्री।• १९८८ – अनीसा-मोहम्मदः – भारतीय-महिला-क्रिकेट-क्रीडिका।• १९९६ – आदित्य-जोशी – भारतीय-बैड्मिण्टन-क्रीडकः।
निधनानि
• १९३८ – इस्टानिस्ला-विस्की – रूसदेशीयः लेखकः नाट्यनिर्देशकश्च।• १९४१ – रवीन्द्रनाथः ठाकुरः – नोबेल-पुरस्कार-विजेता भारतीयसाहित्यकारः।• १९७४ – वर्जीनिया-एपगरः – अमेरिकीया प्रसूतिविज्ञान-वैद्यविशारदा।• १९७६ – पी. सी. अदिचन् – चतुर्थलोकसभायाः सदस्यः।• २००९ – गुलशन-बावरा – हिन्दीचलच्चित्रगीतकारः।• २०११ – नैंसी-वेकः – द्वितीयविश्वयुद्धस्य प्रसिद्धा महिला-योद्ध्री।• २०१८ – एम. करुणानिधिः – तमिलनाडुराज्यस्य पूर्वमुख्यमन्त्री।
महत्वपूर्णाः अवसराः
• विश्व-स्तनपान-सप्ताहः।• रवीन्द्रनाथ-ठाकुर-स्मृतिदिवसः।• राष्ट्रीय-हस्तकरघा-दिवसः।• राष्ट्रीय-भालाक्षेप-दिवसः।• आइवरी-कोस्ट-स्वातन्त्र्य-दिवसः।
Hindusthan Samachar / Divya Ranjan