Enter your Email Address to subscribe to our newsletters
रायपुरम् 06 अगस्तमासः (हि.स.)।
छत्तीसगढ़शासनस्य महिलाबालविकाससमाजकल्याणमन्त्री लक्ष्मीराजवाड़े बालपरिचर्यासंस्थासु निवसताम् अनाथनिराश्रितबालकानां पुनर्वासाय कौशलविकासाय आत्मनिर्भरभविष्यनिर्माणाय च महत्त्वपूर्णां राज्यस्तरीयाम् उपक्रमम् आरब्धवती। अस्याः उपक्रमस्य क्रमशः सा गुरुवासरे स्वकीयनिवासकार्यालये एक्सिसबैङ्कस्य भारतप्रमुखेन विजयेन तथा कैटलिस्ट फॉर सोशल एसोसिएशन इत्यस्य भारतप्रमुखया स्मितारांधे इत्यनया सह समागत्य बालकान् व्यावसायिकप्रशिक्षणेन तकनीकीसहायतया रोजगारोन्मुखावसरेभ्यश्च संयोजयितुं विषये विस्तृतां चर्चाम् अकरोत्।
उपवेशने एक्सिसबैङ्कस्य सी.एस.आर. निधेः माध्यमेन बालपरिचर्यासंस्थासु निवसद्भ्यः बालकेभ्यः आवश्यकसुविधानां प्रदाने कौशलाधारितप्रशिक्षणस्य व्यवस्थापने तेषां रोजगारसंबन्धेन संयोजने च दृढसहयोगस्य विषये विचारविमर्शः कृतः। एषः उपक्रमः बालकान् केवलं संरक्षणपर्यन्तं न स्थापयित्वा तान् सम्मानितम् आत्मनिर्भरं च जीवनं प्रति प्रेरयितुं प्रयतते।
मन्त्री लक्ष्मीराजवाड़े अवदत् यत्, अनाथान् निराश्रितबालकांश्च शिक्षया कौशलेन जीविकया च संयोजयितुं राज्यसर्वकारस्य प्रमुखप्राथमिकता अस्ति। अस्माकं प्रयत्नः अस्ति यत् बालपरिचर्यासंस्थासु निवसन् प्रत्येकः बालकः आत्मविश्वासेन सह समाजस्य मुख्यधारायाम् अग्रे प्रगच्छेत्।
सा अवदत् यत् प्रायः एकवर्षात् पूर्वं सामुदायिकसहयोगेन बालसंरक्षणस्य बालपरिचर्यासंस्थासु निवसतां बालकानां सामाजिकपुनर्वासस्य च कृते अयं उपक्रमः प्रारब्धः आसीत्। अधुना प्रदेशस्य पञ्चसु जनपदेषु अस्य सफलं क्रियान्वयनं सम्पन्नम् अस्ति। इदानीं तस्य विस्तारं कृत्वा राज्यस्य सर्वेषु जनपदेषु अस्य कार्यान्वयनार्थं कार्ययोजना निर्मीयते।
मन्त्री राजवाड़े अवदत् यत् राज्यसर्वकारः सामाजिकसंस्थाभिः कॉरपोरेटक्षेत्रेण औद्योगिकगृहैश्च सह सहयोगं कृत्वा बालकानां समग्रविकासाय प्रभाविपुनर्वासाय च सर्वसम्भवान् प्रयत्नान् करिष्यति। सा विशेषतया अस्मिन् विषये बलम् अददात् यत् बालपरिचर्यासंस्थासु निवसद्भ्यः बालकेभ्यः कौशलविकासः डिजिटलप्रशिक्षणम् रोजगारमार्गदर्शनम् आत्मनिर्भरजीवनस्य अवसराश्च प्रदातव्याः, एषा कालस्य आवश्यकता अस्ति।
अस्मिन् अवसरे एक्सिसवित्तकोषस्य भारतसी.एस.आर. प्रभारी, क्षेत्रीयप्रबन्धकः, संस्थायाः सञ्चालकः दीपेशः, राज्यप्रमुखः जिनेशः तथा वित्तकोषस्य अन्ये अधिकारीणः उपस्थिताः आसन्।
---------------
Hindusthan Samachar / Dheeraj Maithani