कोलकाता, 06 अगस्तमासः (हि.स.)। वर्षस्य २०२६–२७ कृते पश्चिमबङ्गविधानसभायाः उद्योगवाणिज्यउद्यमसम्बद्धा स्थायिसमितिः गठिता अस्ति। चतुर्दशसदस्यात्मिकायाः अस्याः समितेः अध्यक्षपदभारः मुख्यमन्त्रिणः शुभेन्दु-अधिकारिणः भ्रात्रे तथा भारतीयजनतापक्षस्य विधायकाय दिव्येन्दु-अधिकारिणे समर्पितः अस्ति।

इयं समितिः उद्योगवाणिज्यउद्यमादिविषयेषु नीतिसम्बद्धान् परामर्शान् प्रदाति तथा विविधविभागानां कार्याणां समीक्षामपि करोति।समित्याः अध्यक्षस्य दिव्येन्दु-अधिकारिणः नेतृत्वे गठितायामस्यां स्थायिसमितौ बिल्लेश्वरसिन्हा, बिस्वजीतमहतो, चिन्मयदेवबर्मन्, दिलीपसिंह, कृष्णेन्दुमुखर्जी, प्राणकृष्णतपादार, संजयकुमारसिंह, सिद्धार्थमजूमदार, सौमेनकारफा, सुदीप्तोदास, अखरुज्जमान, समरमुखर्जी, अरूपराय तथा बिमानबनर्जी इत्येते सदस्यत्वेन नियुक्ताः सन्ति।

Hindusthan Samachar / Dheeraj Maithani