गुवाहाटी, 07 अगस्तमासः (हि.स.)।

अगस्तमासस्य प्रथमदिनात् सप्तमतिथिपर्यन्तं आयोजितस्य विश्वस्तन्यपानसप्ताहस्य समापनं सेन्ट्रलगुवाहाटीप्रकल्पे सफलतया अभवत्। सम्पूर्णे असमराज्ये तथा गुवाहाटीनगरस्य महिला बालविकासविभागस्य अधीनस्थेषु विभिन्नवृत्तेषु अस्मिन् अवसरे विविधकार्यक्रमाः आयोजिताः। सम्पूर्णप्रकल्पस्य सह सेन्ट्रलगुवाहाटीमालीगांवप्रकल्पस्य भरलूमुखवृत्ते अपि सप्ताहपर्यन्तं निरन्तरम् एकस्य अनन्तरम् अपरः कार्यक्रमः आयोजितः। अस्मिन् काले जनजागरणसम्बद्धाः उपवेशनानि, यात्राः, अन्ये च विविधाः कार्यक्रमाः सम्पन्नाः।

सम्पूर्णसप्ताहे आङ्गनबाडीकर्मिणः, पर्यवेक्षकाः, महिला बालविकासविभागस्य विभिन्नपदाधिकारीणश्च स्वस्वक्षेत्रेषु गत्वा कार्यक्रमेषु सहभागित्वम् अकुर्वन्।

अस्मिन् अवधौ आङ्गनबाडीकर्मिभिः सह पर्यवेक्षकाः गृहं गृहम् गत्वा स्तन्यपानं कुर्वतीभ्यः मातृभ्यः तथा बालकेभ्यः स्वास्थ्यसम्बद्धाः सूचनाः अददुः। तस्मिन् काले वृद्धिनिरीक्षणम् तथा अन्ये अपि बहवः एतादृशाः कार्यक्रमाः आयोजिताः। अस्मिन् अवधौ विभिन्नप्रदेशेषु प्रतिज्ञाग्रहणकार्यक्रमाः अपि आयोजिताः, यत्र जनाः षण्मासपर्यन्तं बालकेभ्यः केवलं मातुः स्तन्यमेव पाययिष्यन्ति इति प्रतिज्ञां स्वीकृतवन्तः।

----------

Hindusthan Samachar / Dheeraj Maithani