Enter your Email Address to subscribe to our newsletters
मंडी, 07 अगस्तमासः (हि.स.)।
मण्डीजनपदस्य महाराजलक्ष्मणसेनस्मारकमहाविद्यालये सुन्दरनगरे त्रिदिवसीयः दीक्षारम्भकार्यक्रमः आयोज्यते। अस्य उद्दिश्यं नवप्रविष्टविद्यार्थिनः महाविद्यालयस्य कार्यप्रणाल्या, नूतनशिक्षानीतिः–२०२०, विविधाभिः शैक्षणिकसहपाठ्यक्रमगतिविधिभिः तथा छात्रहितसम्बद्धाभिः योजनाभिः परिचितान् कर्तुमस्ति। प्रथमदिवसस्य सत्रे वाणिज्यविज्ञानसंकाययोः विद्यार्थिनः सहभागिनः अभवन्। कार्यक्रमस्य शुभारम्भः संगीतविभागस्य छात्राभिः प्रस्तुतेन वन्दे मातरम् इति गीतस्य गायनेन अभवत्। कार्यक्रमस्य अध्यक्षतां महाविद्यालयस्य प्राचार्या डॉ. सुमन कुमारी कटोच वहति स्म।
सा विद्यार्थिनः स्वागतं कृत्वा महाविद्यालयस्य कार्यप्रणालीं, नियमान्, नूतनशिक्षानीतेः–२०२० विषये सूचनां च प्रदत्तवती। अपि च शैक्षणिकोत्कृष्टतया सह सहपाठ्यक्रमगतिविधिषु सक्रियसहभागितायै प्रेरितवती, येन तेषां सर्वाङ्गीणविकासः भवेत्। प्रथमसत्रे डॉ. कुलदीप सिंह नूतनशिक्षानीतेः–२०२० विषये विस्तृतां सूचनां प्रदत्तवान्। डॉ. लतेश कपूर वाणिज्यविभागस्य तथा महिलाशिकायतनिवारणप्रकोष्ठस्य भूमिकायाः विषये विद्यार्थिनः अवगतान् अकरोत्। डॉ. मैनिका कपूर विविधाः छात्रवृत्तियोजनाः तथा ताभ्यः प्राप्यमाणलाभान् विषये सूचनां प्रदत्तवती।
डॉ. आशीष गौतम रैगिङ्निषेधस्य अनुशासनसम्बद्धनियमानां च विषये प्रकाशम् अकरोत्, यदा डॉ. नेहा सेन नशामुक्तिविषये तथा मादकद्रव्यनिषेधजागरूकताविषये सूचनां प्रदत्तवती। आचार्यः राजमल राणा राष्ट्रियसेवायोजनायाः (एनएसएस) उद्देश्यान् महत्त्वं च सम्यक् अवबोधितवान्। लेफ्टिनेन्ट् कमलेश सेन राष्ट्रियकैडेटकोरस्य (एनसीसी) उपयोगितां, तस्मिन् उपलब्धावसरान् तथा क्रीडाक्रीडाप्रतियोगितासम्बद्धसंभावनाः विषये विद्यार्थिनः मार्गदर्शनं कृतवान्। डॉ. ज्योति शर्मा स्वच्छतायाः स्वास्थ्यस्य च विषये आवश्यकसूचनाः प्रदत्तवती तथा डॉ. सोनिका शर्मा छात्रावाससम्बद्धसुविधाः नियमांश्च विषये अवगतं कारितवती। कार्यक्रमसमन्वयिका डॉ. मोनिका माथुर सर्वेषां वक्तॄणां विद्यार्थिनां च प्रति आभारं व्यक्तवती।
अस्मिन्नवसरे डॉ. निरूपमा कोहली, डॉ. मञ्जू गर्ग, डॉ. धर्मेन्द्र राणा, प्रो. सारिका सूद, डॉ. रञ्जना, डॉ. धर्मेन्द्रा आर्य, प्रो. विनती चाबा, डॉ. रोहिणी राणा, प्रो. सुरेन्द्र पाल, प्रो. अनिता डोगरा, डॉ. सङ्गीता, डॉ. प्रियंका चौहान, डॉ. मदन कुमार तथा अङ्किता चाङ्गरा इत्यादयः महाविद्यालयस्य शिक्षकवर्गश्च उपस्थिताः आसन्।
---------------
Hindusthan Samachar / Dheeraj Maithani