Enter your Email Address to subscribe to our newsletters
मीरजापुरम्, 07 अगस्तमासः (हि.स.)।
टीबी मुक्तभारतस्य सङ्कल्पस्य भूमितले साकारीरूपेण कार्यान्वयनस्य दिशि शुक्रवासरे प्राथमिकस्वास्थ्यकेन्द्रे चुनारे स्वास्थ्यविभागेन विशेषप्रशिक्षणकार्यक्रमस्य आयोजनम् अभवत्। अस्मिन् प्रशिक्षणे सामुदायिकस्वास्थ्याधिकारीणः (सीएचओ), आङ्गनबाडी पर्यवेक्षिकाः तथा आशासङ्गिन्यः च शून्यतः चतुर्दशवर्षपर्यन्तं बालकेषु क्षयरोगस्य परिचयः, प्रतिषेधः तथा समये समुचितचिकित्सायाः नवीनोपायानां विषये संसूचिताः।
प्रभारी चिकित्साधिकारी डॉ. राकेश कुमार पटेल स्वास्थ्यकर्मिभ्यः स्वस्वक्षेत्रेषु यथाशक्यं अधिकाधिकान् जनजागरूकताशिविरान् आयोजयितुं तथा क्षयरोगसम्भावितरोगिणः शासकीयचिकित्सालयेषु उपलब्धायाः निःशुल्कपरीक्षणचिकित्सयोः लाभं प्रापयितुं प्रेरितवान्। तेन उक्तं यत् समये रोगपरिचयेन समुचितचिकित्सया च क्षयरोगः पूर्णतया पराजेतुं शक्यते।
सीएचसी इत्यस्य एमओटीसी डॉ. संतोष कुमार वर्मा प्रशिक्षणकाले अवदत् यत् क्षयरोगः गम्भीरः व्याधिः अस्ति, तथापि तस्य सफलचिकित्सा सम्भवा अस्ति। तेन उक्तं यत् लघुबालकेषु कफपरीक्षणं कठिनं भवति, अतः तादृशेषु प्रकरणेषु क्षकिरणपरीक्षणम् इव परीक्षणम् महत्त्वपूर्णां भूमिकां निर्वहति।
जिल्लाक्षयरोगकार्यक्रमस्य डिस्ट्रिक्ट कोऑर्डिनेटर सतीश शंकर यादव स्वास्थ्यकर्मिभ्यः रोगिणां प्रति संवेदनशीलव्यवहारस्य आवश्यकता विषये बलं दत्त्वा उक्तवान् यत् प्रत्येकः रोगी चिकित्सालयम् आशां वहन् आगच्छति। अतः तस्मै समुचितमार्गदर्शनं आत्मीयव्यवहारश्च चिकित्सायाः महत्त्वपूर्णः अंशः अस्ति।
प्रशिक्षणकार्यक्रमे डॉ. आशिफ जहीर, डॉ. संगीता, सर्वेश कुमार, अखिलेश यादव, इफ्तिखार, बीसीपीएम गीता इत्यादयः स्वास्थ्यविभागस्य अन्ये अधिकारिणः कर्मचारिणश्च उपस्थिताः आसन्।
--------------
Hindusthan Samachar / Dheeraj Maithani