पौडी, ०७ अगस्तमासः (हि.स.)। विश्व-स्तनपान-सप्ताहस्य अन्तर्गतं बाल-विकास-परियोजना-थलीसैंणे शुक्रवासरे जागरूकता-कार्यक्रमः आयोजितः। कार्यक्रमे मातृभ्यः स्तनपानस्य महत्त्वेन सह स्वकीय-स्वास्थ्यस्य, पोषणस्य तथा शिशूनां समुचित-परिचर्यायाः विषये सूचना प्रदत्ता।

कार्यक्रमस्य समये उक्तं यत् नवजात-शिशोः उत्तम-स्वास्थ्याय समुचित-विकासाय च स्तनपानम् अत्यन्तं महत्त्वपूर्णम् अस्ति। मातृभ्यः शिशोः जन्मनः अनन्तरं स्तनपानस्य आरम्भस्य, नियमित-स्तनपानस्य तथा शिशोः वयानुसारं पोषण-सम्बन्धितानाम् आवश्यकतानां विषये जागरूकता प्रदत्ता। तेन सह मातृभ्यः स्वकीय-आहारस्य, स्वच्छतायाः स्वास्थ्यस्य च विशेषं ध्यानं कर्तुं प्रेरितम्।

अस्मिन् अवसरे महिलाभ्यः उक्तं यत् मातुः स्वास्थ्यं प्रत्यक्षरूपेण शिशोः स्वास्थ्येन विकासेन च सम्बद्धम् अस्ति। अतः गर्भावस्थायाः आरभ्य प्रसवोत्तर-कालपर्यन्तं सन्तुलितं पौष्टिकं च आहारं सेवितुं तथा नियमित-स्वास्थ्य-परीक्षणे विशेषं ध्यानं दातव्यम्। कार्यक्रमस्य माध्यमेन मातृभ्यः स्तनपानस्य मातृ-शिशु-स्वास्थ्यस्य च विषये सम्यक् सूचनां स्वपरिवारस्य समीपस्थाभ्यः अन्याभ्यः महिलाभ्यश्च प्रेषयितुं आह्वानं कृतम्।

Hindusthan Samachar / Divya Ranjan