Enter your Email Address to subscribe to our newsletters
आसनसोलम्, 09 अगस्तमासः (हि.स.)।आरजी कर चिकित्सामहाविद्यालयस्य चिकित्सालयस्य च घटनायां मृतायाः महिला चिकित्सिकायाः अभया इत्याख्यायाः पुण्यतिथौ रविवासरे मन्त्री अग्निमित्रापालः भावपूर्णं सन्देशं प्रकाशित्य श्रद्धाञ्जलिं समर्पितवती। सा स्वस्य फेसबुक सामाजिकमाध्यमखातस्य माध्यमेन चिकित्सकान् परिचारिकाः चिकित्सालयकर्मचारिणः अधिकारिणश्च सहितं सर्वान् द्विनिमेषपर्यन्तं मौनं धृत्वा अभयायै श्रद्धाञ्जलिं समर्पयितुं आह्वयत्।
मन्त्री अग्निमित्रापालः स्वसन्देशे उक्तवती यत् अद्य तस्याः भगिन्याः चिकित्सिकायाः अभयायाः निधनस्य वार्षिकी अस्ति। सा आह्वानं कृतवती यत् प्रातः एकादशवादनात् एकादशवादनस्य द्विनिमेषपर्यन्तं देशस्य सर्वत्र यत्र यत्र जनाः सन्ति तत्र तत्र द्विनिमेषं मौनं धृत्वा अभयां स्मरन्तु।
सा उक्तवती यत् एतत् मौनं केवलं श्रद्धाञ्जलिः न, अपितु अभयायाः प्रति सम्मानस्य भावः तथा भविष्ये अन्यस्याः कस्याश्चित् अभयायाः सह एतादृशी घटना न भवेत् इति सङ्कल्पश्च अस्ति। सा सर्वकारीयेषु निजीचिकित्सालयेषु च कार्यरतान् चिकित्सकान् परिचारिकाः चिकित्सालयसम्बद्धान् कर्मचारिणः अधिकारिणश्च अस्मिन् मौनकार्यक्रमे सम्मिलितुं आग्रहं कृतवती।
अग्निमित्रापालः स्वसन्देशे उक्तवती यत् अभयां वयं न विस्मृतवन्तः तथा तां सम्मानपूर्वकं श्रद्धया प्रेम्णा च स्मरिष्यामः। सा उक्तवती यत् एतत् द्विनिमेषीयं मौनं अस्य सन्देशस्य प्रतीकं भविष्यति यत् भगिनि अभये वयं त्वां न विस्मृतवन्तः।
उल्लेखनीयं यत् आरजी करप्रकरणस्य अनन्तरं अभया इति नाम्ना परिचिता मृतायाः महिला चिकित्सिकायाः स्मृतौ तस्याः पुण्यतिथौ श्रद्धाञ्जलिकार्यक्रमाः आयोज्यन्ते। मन्त्रिण्याः एषः आह्वानः अपि तस्यैव क्रमस्य महत्त्वपूर्णः भागः मन्यते।
---------------
Hindusthan Samachar / Dheeraj Maithani