गुवाहाटी, 09 अगस्तमासः (हि.स.)।

असमराज्यस्य मुख्यमन्त्री डॉ. हिमन्तबिस्वसरमा रविवासरे राज्यस्य भूमिप्रशासनव्यवस्थायां नवाध्यायस्य प्रारम्भरूपेण ‘मिशनवसुन्धरा ४.०’ इत्यस्य घोषणां कृतवान्। सः अवदत् यत् अस्य उपक्रमस्य उद्देश्यं नागरिकानां भूम्यधिकारान्, सुरक्षां च सुदृढीकर्तुं तथा तेषां भविष्यस्य सम्भावनाः वर्धयितुम् अस्ति।

मुख्यमन्त्री सामाजिकमाध्यमे प्रकाशिते सन्देशे अवदत् यत् भूमिः जनानां परिचयस्य, अधिकारस्य, सुरक्षायाः भविष्यस्य च महत्त्वपूर्णः आधारः अस्ति। आधुनिकप्रौद्योगिक्याः पारदर्शिनः च व्यवस्थायाः माध्यमेन प्रत्येकस्य नागरिकस्य भूमिसम्बन्धिनः अधिकारान् अधिकं सुरक्षितान् सुलभतया च उपलब्धान् कर्तुं ‘मिशनवसुन्धरा ४.०’ इति महत्त्वपूर्णं पदक्षेपम् अस्ति।

सः अवदत् यत् अस्य उपक्रमस्य माध्यमेन असमराज्यस्य भूमिप्रशासनव्यवस्थां अधिकां पारदर्शिनीं, आधुनिकां, नागरिककेन्द्रितां च कर्तुं प्रयत्नः क्रियते। भूमिसम्बद्धानां सेवानाṃ अधिकाराणां च प्रक्रियां प्रौद्योगिक्याः माध्यमेन सरलीकर्तुं तथा नागरिकेभ्यः अधिकां प्रभावोत्पादिकां सुगमां च व्यवस्थां प्रदातुं अस्य उपक्रमस्य उद्देश्यं वर्तते।

------------

Hindusthan Samachar / Dheeraj Maithani