सूरतम्, ०९ अगस्तमासः (हि.स.)। सूरतस्य पाण्डेसरा-क्षेत्रे हरित-ऊर्जायाः क्षेत्रे नूतनस्य प्रयासस्य प्रारम्भः अभवत्। एरेनक्यू-लिथियम-आयरन-फॉस्फेट-बैटरीत्यादिनां गुजरातराज्यस्य अधिकृत-विक्रेतृ ‘इको स्पार्क ग्रीन एनर्जी सॉल्यूशन’ इत्यस्य उद्घाटनं कृतम्।

अस्मिन् अवसरे मुख्यातिथिरूपेण केन्द्रीयजलशक्तिमन्त्री सी. आर. पाटीलः उपस्थितः आसीत्। सः रज्जुं कर्तयित्वा प्रतिष्ठानस्य विधिवत् उद्घाटनं कृतवान्।

कार्यक्रमे सूरतनगरस्य भाजपाध्यक्षेन परेश-पटेलेन सह नगरस्य गणमान्याः नागरिकाः, व्यापारिणः शुभेच्छाश्च बहु-संख्यया उपस्थिताः आसन्।

उद्घाटनावसरे सी. आर. पाटीलेन संस्थानस्य सञ्चालकौ देवान्गभाई-चौधरी तथा राजेन्द्रभाई-चौधरी इत्येतौ शुभ-कामनाः प्रदत्ताः। सः सूरतनगरे हरित-ऊर्जायाः क्षेत्रे प्रारब्धस्य अस्य प्रयासस्य स्वागतं कुर्वन् अवदत् यत् भविष्ये स्वच्छस्य हरितस्य च ऊर्जायाः उपयोगस्य वर्धनं समयस्य आवश्यकता अस्ति।

सः अवदत् यत् आधुनिकप्रौद्योगिक्याः आधारेण निर्मितानां लिथियम-आयरन-फॉस्फेट-बैटरी इत्यादिनां प्रयोगः सूरत इत्यनेन सह सम्पूर्णे गुजरातराज्ये हरित-ऊर्जायाः प्रोत्साहने महत्त्वपूर्णां भूमिकां निर्वोढुं शक्नोति।

‘इको स्पार्क ग्रीन एनर्जी सॉल्यूशन’ इत्यस्य माध्यमेन स्वच्छां हरितां च ऊर्जां प्रोत्साहयितुं आधुनिकबैटरी-प्रौद्योगिकीम् ग्राहकाणां समीपं प्रापयितुं प्रयासः क्रियते। उद्घाटनसमारोहे उपस्थितैः गणमान्यैः जनैः संस्थानस्य सफलस्य उज्ज्वलस्य च भविष्यस्य कृते शुभकामनाः प्रदत्ताः।

Hindusthan Samachar / Divya Ranjan