Enter your Email Address to subscribe to our newsletters
किशनगंजः, 09 अगस्तमासः (हि.स.)। देशभक्तेः, नारीशक्तेः, श्रमशक्तेश्च अद्वितीयं उदाहरणं प्रस्तुतयन्त्यः बिहारराज्यस्य किशनगञ्जजनपदस्य जीविकादीदीनामकाः महिलाः ‘हरेकगृहे तिरङ्गा’ इति अभियानस्य २०२६ तमस्य वर्षस्य कृते २८,००० तिरङ्गध्वजान् निर्मान्ति।
जनपदस्य सप्तसु प्रखण्डेषु कार्यरताः प्रायः ४०० जीविकादीदीनामकाः महिलाः सीवनकेन्द्रेषु एव न, अपि तु स्वगृहेष्वपि तिरङ्गध्वजानां सीवनकार्ये संलग्नाः सन्ति। तिरङ्गनिर्माणेन ताभ्यः रोजगारस्य आयस्य च अवसरः प्राप्यते। तेन सह राष्ट्रगौरवस्य भावनां सुदृढीकर्तुमपि अवसरः लभ्यते।
रविवासरे जीविकायाः डीपीएम् अनुराधाचन्द्रा अवदत् यत् जिलाधिकारी नवीनकुमारस्य निर्देशानुसारं ‘हरेकगृहे तिरङ्गा’ इति अभियानस्य अन्तर्गतं जनपदस्य प्रत्येकस्मिन् प्रखण्डे चत्वारः सहस्राः इति क्रमेण सप्तसु प्रखण्डेषु समग्रतया २८,००० तिरङ्गध्वजाः निर्मीयन्ते। एतेषां तिरङ्गध्वजानां आपूर्तिः सम्बन्धितेभ्यः विभागेभ्यः, संस्थाभ्यः, स्थानीयनिकायेभ्यश्च क्रियते। बिहारस्य कलासंस्कृतियुवकार्यविभागस्य माध्यमेन जीविकादीदीनामकाभ्यः महिलाभ्यः तिरङ्गनिर्माणस्य आपूर्तेश्च दायित्वं प्रदत्तम् अस्ति।
सा अवदत् यत् तिरङ्गनिर्माणकार्यस्य प्रारम्भात् पूर्वं जनपदस्य सप्तसु प्रखण्डेषु कार्यरताभ्यः प्रायः १,८०० जीविकादीदीनामकाभ्यः महिलाभ्यः कुशलप्रशिक्षकाणां नेतृत्वे वस्त्रसीवनस्य प्रशिक्षणं प्रदत्तम् आसीत्। प्रशिक्षणं प्राप्तवत्यः महिलाः अधुना विभिन्नेषु सीवनकेन्द्रेषु स्वगृहेषु च तिरङ्गध्वजान् निर्मान्ति।
नॉनफॉर्म् युवा-व्यावसायिकजीविकायाः डॉली अवदत् यत् निर्मितानां तिरङ्गध्वजानां सम्यक् प्रकारेण पुटीकरणं कृत्वा जिलाप्रशासनस्य निर्देशानुसारं निर्धारितसंख्यायां सम्बन्धितेभ्यः विभागेभ्यः प्रेषणं क्रियते।
जीविकायाः सामुदायिकसङ्गठनेषु, स्वयं सहायतासमूहेषु, ग्रामसङ्गठनेषु, सङ्कुलसङ्घेषु च सम्बद्धाः महिलाः सामूहिकरूपेण अस्य कार्यस्य सम्पादने संलग्नाः सन्ति। ‘हरेकगृहे तिरङ्गा’ इति अभियानस्य उद्देश्यम् अस्ति यत् स्वतन्त्रतादिवसस्य अवसरे जनाः स्वगृहेषु, कार्यालयेषु, सार्वजनिकस्थलेषु च राष्ट्रध्वजं स्थापयितुं प्रेरिताः भवेयुः।
जीविकादीदीनामकाः महिलाः स्वस्य परिश्रमेण कौशलेन च अस्य अभियानस्य सफलतायै महत्त्वपूर्णं योगदानं प्रददति। तासां राष्ट्रभक्तिः, नारीशक्तिः, श्रमशक्तिश्च ‘हरेकगृहे तिरङ्गा’ अभियानस्य सफलतायै प्रेरणादायकं उदाहरणं प्रस्तौति।
Hindusthan Samachar / Dheeraj Maithani