Enter your Email Address to subscribe to our newsletters
बरपेटा (असमः), 09 अगस्तमासः (हि.स.)।बरपेटाजनपदस्य अन्तर्गतकलगछियानिवासी पेशया दरजी पियारअली नामकः पुरुषः स्वजीवनस्य प्रायः पञ्चत्रिंशत् वर्षेभ्यः राष्ट्रियध्वजस्य निर्माणं कुर्वन् अस्ति। अस्मिन् वर्षे अपि सः अशीतितमस्य स्वतन्त्रतादिवसस्य उत्सवस्य कृते राष्ट्रियध्वजानां निर्माणकार्ये संलग्नः अस्ति।
कलगछियाबाजारे दरजीकर्मणा जीवनयापनं कुर्वन् पियारअली राष्ट्रियध्वजं बहु पसन्दं करोति। अतः सः प्रतिवर्षं गणतन्त्रदिवसस्य स्वतन्त्रतादिवसस्य च पूर्वं स्वहस्तैः राष्ट्रियध्वजं निर्माय भारतस्य त्रिवर्णात्मकं राष्ट्रियध्वजं जनानां कृते उपलब्धं कारयति। पियारअली जीवनस्य प्रारम्भिकावस्थायां दरजीकर्म अधीत्य एव एतत् कार्यम् आरब्धवान् आसीत्। प्रारम्भे सः द्वित्राणि वा ध्वजानि सीव्य स्वतन्त्रतादिवसे जनानां हस्ते समर्पितवान् आसीत्। ततः प्रभृति जनवरीमासस्य षड्विंशतितमः दिनाङ्कः अगस्तमासस्य पञ्चदशतमः दिनाङ्कश्च आगच्छति चेत् पियारअल्याः हृदये देशभक्तिभावना जागरिता भवति। तस्य मनः राष्ट्रियध्वजस्य निर्माणे एव संलग्नं भवति।
वृहत्तरकलगछियाक्षेत्रस्य सह बरपेटा, मन्दिया, बरभिटा, मयनबारी, जयपुर, ताराकान्दी, बाघबर, ग्वालपारा तथा बंगाईगांव इत्येतेषु जनपदेष्वपि पियारअलीनिर्मितः राष्ट्रियध्वजः उपलब्धः भवति। सम्प्रति पियारअलीना क्रियमाणं कार्यं जनैः अत्यन्तं प्रशस्यते।
---------------
Hindusthan Samachar / Dheeraj Maithani