नवदिल्ली, ०९ अगस्तमासः (हि.स.)। प्रधानमन्त्री नरेन्द्रमोदी जनान् ‘हर घर तिरंगा’ इत्यस्मिन् अभियाने उत्साहपूर्वकं भागं ग्रहीतुं आहूतवान्। सः अवदत् यत् विकसितभारतस्य निर्माणे योगदानं दातुं अस्माकं सामूहिकसंकल्पस्य पुनरुच्चारणं करणीयम्। सः हर्षं व्यक्तं कृतवान् यत् अस्मिन् वर्षे अभियानस्य प्रयासाः ‘वन्दे मातरम्’ इत्यस्मै समर्पिताः सन्ति तथा च तस्य १५०तमं वार्षिक्यं वयं आचरामः।

प्रधानमन्त्री मोदी ‘एक्स’-पटले प्रकाशिते सन्देशे उक्तवान्— “अस्माकं त्रिरङ्गः अस्माकं गौरवम् अस्ति तथा च राष्ट्राय सर्वदा स्वस्य श्रेष्ठतमं प्रदातुं प्रेरणायाः निरन्तरः स्रोतः अस्ति।”

प्रधानमन्त्री स्वस्य सन्देशे संस्कृति-मन्त्रालयस्य आह्वानं सहभागं कृतवान्। मन्त्रालायेन आह्वानं कृतम् अस्ति यत् अस्मिन् वर्षे इतिहासस्य प्रथमप्रकारस्य त्रिरङ्गोत्सवे ‘सूर्यपथ तिरङ्गा’ इत्यस्य माध्यमेन विश्वस्य विभिन्नेषु भागेषु स्थितान् भारतीयान् एकसूत्रे संयोजयन्तु। अस्य अभियानस्य भागं भवन्तु। स्वगृहे त्रिरङ्गं ध्वजयन्तु तथा च स्वस्य सेल्फी-चित्रं http://harghartiranga.com इत्यत्र अपलोड् कुर्वन्तु।

‘सूर्यपथ तिरङ्गा’—भारतस्य ८०तमस्य स्वातन्त्र्यदिवसस्य अवसरे फिजी-देशात् आरभ्य सान्-फ्रान्सिस्को-नगरपर्यन्तं ५०-तः अधिकाः भारतीयाः राजनैतिक-आभियानानि ‘हर घर तिरंगा’ कार्यक्रमस्य भागं भूत्वा विभिन्नेषु कालक्षेत्रेषु पूर्वतः पश्चिमदिशं प्रति त्रिरङ्गस्य चित्राणि डिजिटल-माध्यमेन प्रेषयिष्यन्ति।

Hindusthan Samachar / अंशु गुप्ता