कोलंबो, 09 अगस्तमासः (हि.स.)।

भारतीयटेस्टदलस्य कप्तानः शुभमनगिलः रविवासरे श्रीलङ्काक्रिकेट्-एकादशस्य विरुद्धम् एकमात्रस्य अभ्याससामन्ये न क्रीडित्वा जालाभ्यासस्थले पुनः बल्लेबाजीं कृतवान्। कोलम्बोनगरस्य एनसीसी-क्रीडाङ्गणे प्रचलितस्य अभ्याससामन्यस्य तृतीये अन्तिमे च दिने गिलः पार्श्वस्थिते जालाभ्यासस्थले बल्लेबाजीं कुर्वन् दृष्टः।

अभ्याससामन्यस्य पूर्वं दक्षिणहस्तस्य अनामिकाङ्गुल्यां चोटं प्राप्तत्वात् गिलः सामन्यात् बहिः अभवत्। अभ्याससमये बल्लेबाजीं कुर्वतः तस्य अङ्गुल्यां कन्दुकः आहतवान्। प्रारम्भिकसमये केएलराहुलाय भारतीयदलस्य कप्तानत्वं प्रदत्तम्। तदनन्तरं भारतीयक्रिकेट्-नियामकमण्डलेन (बीसीसीआई) सूचितं यत् गिलः अभ्याससामन्यस्य प्रथमदिने क्रीडाङ्गणे न अवतरिष्यति।

बीसीसीआई इत्यनेन प्रकाशिते निवेदने उक्तं यत्, “कप्तानः शुभमनगिलः गुरुवासरे भारतस्य अभ्याससत्रस्य समये दक्षिणहस्तस्य अनामिकाङ्गुल्यां चोटम् अलभत। सावधानतायाः उपायत्वेन सः श्रीलङ्काक्रिकेट्-एकादशस्य विरुद्धम् अभ्याससामन्यस्य प्रथमदिने क्रीडाङ्गणे न अवतरिष्यति।”

तथापि सामन्यस्य द्वितीये दिने भारतीयदलस्य बल्लेबाजीसमये अपि गिलः बल्लेबाजीं कर्तुं न अवतीर्णवान्। तस्य नियमितबल्लेबाजीक्रमस्य चतुर्थस्थाने रविन्द्रजडेजः बल्लेबाजीं कर्तुम् आगतवान्।

गिलस्य जालाभ्यासस्थले पुनरागमनं भारताय राहतप्रदं वृत्तान्तम् अस्ति, यतः भारतश्रीलङ्कयोः मध्ये द्वयोः टेस्ट्-सामनयोः श्रृङ्खला अगस्तमासस्य पञ्चदशदिनाङ्कात् गाले नगरे प्रारभ्यते। तदनन्तरं द्वितीयः टेस्ट्-सामनः कोलम्बोनगरस्य एसएससी-क्रीडाङ्गणे भविष्यति।

---------------

Hindusthan Samachar / Dheeraj Maithani