देहरादूनम्, ०९ अगस्तमासः (हि.स.)। देहरादूने रविवासरे आयोजिते भव्ये तीज-महोत्सवे उत्तराखण्डस्य लोकसंस्कृतेः नारीशक्तेश्च अद्भुतः समन्वयः दृष्टः। अस्मिन् अवसरे विधानसभाध्यक्षः ऋतु-खण्डूडी-भूषणः अवदत् यत् प्रदेशस्य मातृशक्तिः आत्मनिर्भरतायाः मार्गे अग्रे गच्छन्ती उत्तराखण्डस्य विकासे महत्त्वपूर्णां भूमिकां निर्वहति।

भाजपायाः प्रदेशमन्त्रिणा नेहा-जोश्याः आयोजने महोत्सवे बहुसंख्यया महिलाः उत्साहपूर्वकं सहभागं कृतवत्यः। पारम्परिकवस्त्रैः, लोकगीतैः, लोकनृत्यैः सांस्कृतिकप्रस्तुतिभिश्च सुसज्जितः कार्यक्रमः पूर्णतया उत्तराखण्डीयवर्णेन रञ्जितः दृश्यते स्म।

कार्यक्रमस्य मुख्यातिथिरूपेण विधानसभाध्यक्षः ऋतु-खण्डूडी महिलाभ्यः तीजपर्वणः शुभकामनाः प्रदाय अवदत् यत् उत्तराखण्डस्य महिलाः अधुना आत्मनिर्भरतायाः दिशि तीव्रगत्या अग्रे गच्छन्ति। ताः न केवलं स्वपरिवारस्य, अपितु समाजस्य प्रदेशस्य च विकासे महत्त्वपूर्णां भूमिकां निर्वहन्ति। सा अवदत् यत् उत्तराखण्डे तादृशस्य महिलानेतृत्वस्य आवश्यकता अस्ति, यत् मातृशक्तेः स्वरं भवेत् तथा ताः अग्रे गन्तुं प्रेरयेत्।

ऋतु-खण्डूडी नेहा-जोश्याः प्रयासानां प्रशंसां कुर्वती अवदत् यत् सा विभिन्नक्षेत्रेषु महिलानां समस्याः आवश्यकताश्च स्वरं दातुं कार्यं कुर्वती अस्ति। सा अवदत् यत् मातृशक्तेः प्रगतये सामूहिकप्रयासाः आवश्यकाः सन्ति।

भाजपायाः प्रदेशमन्त्री नेहा-जोशी अवदत् यत् अस्मिन् वर्षे तीज-महोत्सवः उत्तराखण्डस्य लोकसंस्कृत्या पर्वतीयपरम्पराभिश्च सह सम्बध्य आयोजितः अस्ति। सा अवदत् यत् तीज केवलं पर्व नास्ति, अपितु अस्माकं संस्कृतेः, परम्पराणां नारीशक्तेश्च उत्सवः अस्ति। उत्तराखण्डस्य महिलाभिः शताब्देभ्यः लोकपरम्पराः जीवन्ताः रक्षिताः च।

सा अवदत् यत् शीघ्रं परिवर्तमानस्य युगस्य नूतनवंशं स्वमूलैः सांस्कृतिकधरोहरेण च सह सम्बद्धं कर्तुं आवश्यकम् अस्ति। एतदुद्देश्येन महोत्सवे लोकसंस्कृतेः पारम्परिकप्रस्तुतीनां च विशेषं स्थानं प्रदत्तम्। सा अवदत् यत् अद्य महिलाः शिक्षायां, राजनीतौ, प्रशासने, उद्यमितायां, क्रीडाक्षेत्रे सामाजिकक्षेत्रे च स्वस्य सुदृढं परिचयं निर्मान्ति। नारीशक्तेः सशक्तीकरणं समाजस्य राष्ट्रस्य च सशक्तीकरणस्य दिशि सर्वाधिकं महत्त्वपूर्णं पदक्षेपम् अस्ति।

महोत्सवे महिलाभिः पारम्परिकवेषभूषासु तीजपर्वणः विविधाः छटाः प्रदर्शिताः। लोकगीतानां लोकनृत्यानां च मनोहारिणीभिः प्रस्तुतिभिः दर्शकाः मुग्धाः अभवन्। सांस्कृतिकप्रस्तुतीनां समये महिलाः उत्साहेन नृत्यं कृतवत्यः तथा सम्पूर्णे आयोजनस्थले उत्सवस्य वातावरणं निर्मितम्। पारम्परिकानुष्ठानैः लोक-सङ्गीतेन च कार्यक्रमः उत्तराखण्डस्य सांस्कृतिकपरिचयेन सह सम्बद्धः अभवत्।

कार्यक्रमे भाजपामहिलामोर्चायाः प्रदेशाध्यक्षा रुचि-भट्टः, प्रदेशमहामन्त्री दीप्ति-रावत:, निर्मला-जोशी, टिहरीजन-पदपञ्चायतस्य अध्यक्षा इशिता-सजवाणः, सुमन-उनियालः, मसूरीनगरपालिकायाः अध्यक्षा मीरा-सकलानी, मधु-चौहानः, सोना-सजवाणः, अनिता-ममगाईं, बसन्ती-बिष्टः, रेशमा-शाहः, स्वराज-विद्वान्, कमली-भट्टः इत्येतै: सह बहु-संख्यकाः महिलाः गणमान्यजनाश्च उपस्थिताः आसन्।

Hindusthan Samachar / Divya Ranjan