लखनऊ, १ सेप्टेम्बरमासः (हि.स.)। उत्तरप्रदेशसर्वकारः हस्ततन्तु-वस्त्रोद्योगयोः प्रोत्साहनाय तथा राज्यस्य वयःकर्तृभ्यः अधिकाधिकरोजगारावसरान् प्रदातुं सर्वकारीयसंस्थानेषु स्थानीयस्तरे निर्मितानां हस्ततन्त्रोत्पादानां क्रयणं प्रोत्साहयति। अस्यैव क्रमे मङ्गलवासरे विधानभवनस्थिते ८० क्रमाङ्किते कक्षे खादिग्रामोद्योग-रेशम-हस्ततन्तु-वस्त्रोद्योगमन्त्री राकेशसचानस्य अध्यक्षतायां स्वास्थ्यविभागस्य अन्येषां सर्वकारीयविभागानां च तथा शासकीयप्रतिष्ठानानां कृते प्रयुज्यमानानां शय्याच्छदानां गॉज्-बैण्डेज्-वस्त्रस्य च क्रयणस्य आपूर्तेश्च सुनिश्चितीकरण-सम्बन्धिनी समीक्षासभा आयोजिता।

सभायां मन्त्री राकेशसचानः अवदत् यत् प्रदेशस्य वयःकर्तृभ्यः सर्वकारीयक्रयणस्य विपणिः उपलब्धा कारयितुं योगी-सर्वकारस्य प्राथमिकतासु अन्तर्भवति। सर्वकारीयसंस्थानेषु स्थानीयवयःकर्तृभिः निर्मितानां गुणवत्तापूर्णानां वस्त्राणां क्रयणं वर्धमानेन प्रदेशस्य लक्षशः वयःकर्तृपरिवारेभ्यः रोजगारः आर्थिक-सुदृढता च प्राप्स्यते तथा प्रदेशे उत्पादितानां वस्त्राणां कृते स्थायीविपण्यपि विकसितं भविष्यति।

उल्लेखनीयं यत् ७ अगस्त २०२६ दिनाङ्के लखनऊस्थिते लोकभवने हस्ततन्तु-वस्त्रोद्योगनिदेशालयेन, उत्तरप्रदेशेन आयोजिते राष्ट्रियहस्ततन्तुदिवसकार्यक्रमे मुख्यमन्त्रिणा योगीआदित्यनाथेन स्वास्थ्यविभागसहितेषु सर्वकारीयविभागेषु शासकीयप्रतिष्ठानेषु च प्रमुखतया प्रयुज्यमानानां शय्याच्छदानां गॉज्-बैण्डेज्-वस्त्रस्य च क्रयणं सुनिश्चितं कर्तुं निर्देशाः प्रदत्ताः आसन्। मुख्यमन्त्रिणः निर्देशानां अनुपालने सभायां तस्याः कार्ययोजनायाः विषये विस्तरेण विचारविमर्शः कृतः।

सभायां सूचितं यत् प्रदेशे प्रायः २,१३,१०७ वयःकर्तारः कार्यरताः सन्ति। शय्याच्छदानां गॉज्-बैण्डेज्-वस्त्रेण च सहितं विविधवस्त्राणां उत्पादनं प्रदेशस्य विभिन्नेषु क्षेत्रेषु वयःकर्तृभिः क्रियते। सर्वकारीयक्रयणे एतेषां उत्पादानां प्राथमिकतया क्रयणेन वयःकर्तृणां उत्पादेभ्यः व्यापकविपणिः उपलब्धा कारयितुं शक्यते तथा परम्परागत-वयनव्यवसायेन सह नववंशं संयोजयितुमपि सहायता भविष्यति।

समीक्षासभायां प्रस्तावितव्यवस्थानुसारं सर्वकारीयचिकित्सालयेषु, चिकित्सा-महाविद्यालयेषु विश्वविद्यालयेषु च आवश्यकतानुसारं शय्याच्छदानां, उशीरावरणानां तथा गॉज्-बैण्डेज्-वस्त्रस्य च आपूर्तिः उत्तरप्रदेशराज्यहस्त-तन्तुनिगमलिमिटेड् इत्यस्य माध्यमेन सुनिश्चितां कर्तुं चर्चा अभवत्। एतदर्थं प्रदेशस्य वयःकर्तृसहकारी-समितिभ्यः वयःकर्तृभ्यश्च गुणवत्तापूर्णं उत्पादनं कारयिष्यते। सम्बन्धितचिकित्सासंस्थाभिः स्वकीयाः आवश्यकताः अनुरूपं याचनिपत्रं क्रयणादेशं च समये निर्गन्तुं व्यवस्था विकसितुं विषये अपि विचारः कृतः।

मन्त्री राकेशसचानः उत्पादानां गुणवत्तायां विशेषं बलं दत्त्वा अवदत् यत् सर्वकारीयसंस्थानेभ्यः उपलब्धा कारयितव्याः सामग्रीः निर्धारित-मानदण्डानुरूपा गुणवत्तापूर्णा च भवितव्या। सभायां आपूर्तिव्यवस्थां प्रभाविणीं कर्तुं नोडलाधिकारिणः नियुक्तेः विषये अपि चर्चा अभवत्। नोडलाधिकारी विभिन्न-चिकित्सालयैः, चिकित्सा-महाविद्यालयैः विश्वविद्यालयैश्च समन्वयं स्थापयित्वा तेषां आवश्यकतानां, निर्धारितविशिष्टीनां तथा आपूर्ति-सम्बद्धानां सूचनानां च सङ्ग्रहं कृत्वा विभागाय उपलब्धां करिष्यति। अनेन मागानुसारं समयबद्धापूर्तिः सुनिश्चितां कर्तुं सहायता भविष्यति।

सः अवदत् यत् योगीसर्वकारेण हस्ततन्तुक्षेत्राय निर्धारितानां आरक्षित-वस्तूनां क्रयणस्य उद्देश्यं केवलं सर्वकारीयक्रयणप्रक्रियायाः सम्पादनं न, अपि तु प्रदेशस्य वयःकर्तृपरिवारेभ्यः स्थायीं रोजगारं विपण्यं च उपलब्धं कारयितुम् अस्ति। सः अवदत् यत् यदा वयःकर्तृभ्यः तेषां उत्पादानां सुनिश्चितं विपण्यं प्राप्स्यते तदा परम्परागतवयनव्यवसायेन सम्बद्धा युववंश: अपि अस्य व्यवसायं प्रति आकृष्ट: भविष्यति तथा प्रदेशस्य समृद्धा हस्ततन्तुपरम्परा नूतनां गतिं प्राप्स्यति।

सः अधिकारिभ्यः निर्देशं दत्तवान् यत् मुख्यमन्त्रिणः निर्देशानुरूपं सम्पूर्णां कार्ययोजनां शीघ्रं अन्तिमरूपं दीयताम्। उत्पादानां मानकं, गुणवत्तापरीक्षणं, दरनिर्धारणं, मागप्राप्तिः, क्रयादेशप्रेषणं, भुगतानं तथा समयबद्धापूर्तिः इत्यादीन् सर्वान् बिन्दून् समावेश्य विस्तृता मानकसञ्चालनप्रक्रिया सज्जीक्रियताम्। सः सम्बन्धितविभागानाम् अधिकारिभ्यः परस्परसमन्वयेन कार्यं कृत्वा अग्रिम-सप्ताहपर्यन्तम् आवश्यकानां बिन्दूनाम् अन्तिमरूपं निर्धारयितुं निर्देशान् प्रदत्तवान्।

सभायां हस्ततन्तु-वस्त्रोद्योगस्य प्रमुख-सचिवः अनिलसागरः, विशेषसचिवः शेषमणिपाण्डेयः, संयुक्तायुक्तः पी.सी.ठाकुरः सहिताः स्वास्थ्यविभागस्य हस्ततन्तु-वस्त्रोद्योगविभागस्य च अधिकारिणः तथा अन्ये सम्बन्धिताः अधिकारिणः उपस्थिताः आसन्।

Hindusthan Samachar / Divya Ranjan