गुवाहाटी, ०१ सेप्टेम्बरमासः (हि.स.)। असमप्रदेशस्य मुख्यमन्त्रिणा डॉ. हिमन्तबिस्वसरमणा मङ्गलवासरे भारतीयप्रौद्योगिकीसंस्थानस्य गुवाहाटी-संस्थायाः स्थापनादिवसावसरे संस्थानेन सम्बद्धेभ्यः सर्वेभ्यः जनेभ्यः हार्दिक्यः शुभकामनाः प्रदत्ताः।

मुख्यमन्त्रिणा सामाजिकमाध्यमे प्रकाशितया सूचनया उक्तं यत् आईआईटी-गुवाहाटी असमसन्धेः महत्त्वपूर्णपरिणामेषु अन्यतमरूपेण स्थापितम् अभवत्। तेन आशा प्रकटिता यत् अग्रिमेषु कालेषु संस्थानं ज्ञानस्य, नवाचारस्य अनुसन्धानस्य च क्षेत्रेषु नवीनान् क्षितिजान् उद्घाटयिष्यति तथा च असमप्रदेशस्य गौरवं अधिकं वर्धयिष्यति।मुख्यमन्त्री डॉ. हिमन्तबिस्वसरमा आईआईटी-गुवाहाटी-संस्थायाः निरन्तर-सफलतायै उपलब्धिभ्यश्च शुभकामनाः प्रदाय उक्तवान् यत् संस्थानं भविष्येऽपि शिक्षायाः, अनुसन्धानस्य नवाचारस्य च क्षेत्रेषु महत्त्वपूर्णं योगदानं दास्यति।

उल्लेखनीयं यत् आईआईटी-गुवाहाटी असमप्रदेशस्य उत्तरगुवाहाटीक्षेत्रस्य अमिंगाँवस्थाने स्थितं प्रमुखं सार्वजनिकं प्रौद्योगिकीसंस्थानम् अस्ति। वर्षे १९९४ तमे भारतीयसंसदः अधिनियमस्य अन्तर्गतं अस्य स्थापना अभवत्। एतत् देशस्य षष्ठं भारतीयप्रौद्योगिकीसंस्थानम् अस्ति।

आईआईटी-गुवाहाटी-संस्थानाय प्रौद्योगिकीसंस्थानाधिनियमस्य १९६१ अन्तर्गतं ‘राष्ट्रीयमहत्त्वस्य संस्थानम्’ इति प्रतिष्ठा प्रदत्ता अस्ति। एतत् संस्थानं शिक्षायाः, अनुसन्धानस्य, प्रौद्योगिकी-नवाचारस्य कौशलविकासस्य च क्षेत्रेषु महत्त्वपूर्णां भूमिकां निर्वहति।

हिन्दुस्थान समाचार / Divya Ranjan