पटना 01 सितम्बरमासः (हि.स.)।

बिहारे राष्ट्रिय-नाट्यविद्यालयस्य (एनएसडी) नवपरिसरस्य स्थापनायै केन्द्रसर्वकारस्य सम्मतिं प्राप्ते सति मुख्यमन्त्री सम्राटचौधरिणा प्रधानमन्त्रिणः नरेन्द्रमोदिनः तथा केन्द्रीयसंस्कृतिमन्त्रिणः गजेन्द्रसिंहशेखावतस्य प्रति हार्दिकं कृतज्ञतां प्रकटितवान्।

मुख्यमन्त्री अवदत् यत् एषः निर्णयः बिहारस्य समृद्धायाः नाट्यप्रदर्शनकलापरम्परायाः राष्ट्रियस्तरे नूतनां प्रतिष्ठां नूतनाश्च सम्भावनाः प्रदास्यति।

मुख्यमन्त्री अवदत् यत् बिहारस्य सांस्कृतिकधरोहरम् अत्यन्तं समृद्धम् अस्ति। एषा कालिदासस्य, रामवृक्षबेनीपुरीस्य भिखारीठाकुरस्य च इव महानां विभूतीनां भूमिः अस्ति। राज्यस्य लोकनाट्यप्रदर्शनकलानां च स्वकीया विशिष्टा गौरवशालिनी परम्परा अस्ति। सः अवदत् यत् बिहारे राष्ट्रिय-नाट्यविद्यालयस्य परिसरस्य स्थापनया राज्यस्य युवा-कलाकाराणां कृते व्यावसायिकनाट्यप्रशिक्षणस्य, मञ्चशिल्पस्य, प्रदर्शनकलायाः उन्नतशोधस्य च उत्तमाः संस्थागतावसराः प्राप्स्यन्ति। प्रतिभाशालिनः कलाकाराः प्रशिक्षणार्थं राज्यात् बहिः गन्तुं न्यूनतया बाध्याः भविष्यन्ति तथा बिहारस्य लोकनाट्यपरम्पराणां आधुनिकरङ्गमञ्चस्य च मध्ये उत्तमः समन्वयः स्थापयितुं शक्यते।

मुख्यमन्त्री अवदत् यत् बिहारसर्वकारेण नाट्यकलानां संरक्षणाय, संवर्धनाय समन्वयाय च बिहारसङ्गीतनाट्य-अकादम्याः स्थापना कृता अस्ति। राष्ट्रिय-नाट्यविद्यालयस्य परिसरः अस्मिन् दिशि राज्यस्य प्रयासान् अधिकं सुदृढं करिष्यति। सः अवदत् यत् बिहारसर्वकारः राष्ट्रिय-नाट्यविद्यालयस्य परिसराय उपयुक्तां भूमिं प्रदातुं भवननिर्माणस्य स्वीकृतव्ययस्य पञ्चाशत्प्रतिशतं राज्यांशरूपेण वहितुं च आवश्यकां कार्यवाहीं करोति। संस्थानस्य शीघ्रस्थापनायै राज्यसर्वकारः सर्वसम्भवं प्रशासनिकसहयोगं प्रदास्यति।

मुख्यमन्त्री अवदत् यत् बिहारे राष्ट्रिय-नाट्यविद्यालयस्य परिसरस्य स्थापना केवलं कस्यचित् संस्थानस्य स्थापना न, अपितु राज्यस्य सांस्कृतिकधरोहरस्य, युवा-प्रतिभानां आधुनिकरङ्गमञ्चस्य च भविष्ये निवेशः अस्ति। सः विश्वासं प्रकटितवान् यत् केन्द्रस्य राज्यसर्वकारयोः समन्वितप्रयत्नैः एतत् संस्थानं बिहारं राष्ट्रिय-रङ्गमञ्चस्य मानचित्रे अधिकं सुदृढतया प्रतिष्ठापयिष्यति।

---------------

Hindusthan Samachar / Dheeraj Maithani