Enter your Email Address to subscribe to our newsletters
काठमांडूः, 01 सितंबरमासः (हि.स.)।
नेपालदेशे आप्लावनेन पूर्णतया क्षतिग्रस्तस्य त्रिभुवनत्रिशूलीमाध्यमिकविद्यालयस्य पुनर्निर्माणं भारतसर्वकारेण कारयिष्यते। नेपालदेशे भारतस्य राजदूतः नवीनश्रीवास्तवः विद्यालयस्य प्रधानाचार्येण राजेन्द्रदवाडिना सह वार्तालापस्य समये विद्यालयस्य पुनर्निर्माणस्य आश्वासनं दत्तवान्।
गतसप्ताहे आकस्मिकरूपेण अभवता जलप्लावनेन नुवाकोटजनपदस्य विदुरस्थिते त्रिशूलीबाजारे निर्मितं विद्यालयभवनं पूर्णतया प्रवाहितम् अभवत्। तथापि जलप्लावने आगमनात् पूर्वमेव प्रधानाचार्यः राजेन्द्रदवाडी समये एव प्रायः षोडशशतं विद्यार्थिनः सुरक्षितस्थलेषु प्रेषितवान्। तेन कारणेन महती मानवीयक्षतिः परिहृता।
कथ्यते यत् १९५० तमस्य दशकस्य समये त्रिशूलीजलविद्युत्परियोजनायाः निर्माणसमये भारतीयसहयोगेन अस्य विद्यालयस्य स्थापना कृता आसीत्। विद्यालयस्य नवीनभवनमपि २०२२ तमे वर्षे भारतस्य आर्थिकसहयोगेन निर्मितम् आसीत्।
बाढ्या विद्यालयस्य पूर्णतया प्रवाहिते सति भारतस्य राजदूतः नवीनश्रीवास्तवः प्रधानाचार्येण राजेन्द्रदवाडिना सह वार्तालापं कृत्वा भारतसर्वकारस्य पक्षतः विद्यालयस्य पुनर्निर्माणं कारयितुं आश्वासनं दत्तवान्।
---------------
Hindusthan Samachar / Dheeraj Maithani