Enter your Email Address to subscribe to our newsletters
नवदिल्ली/भोपालम्, ०१ सेप्टेम्बरमासः (हि.स.)। मध्यप्रदेशस्य मुख्यमन्त्री डॉ. मोहनयादवः मङ्गलवासरे नवदिल्ली इत्यत्र प्रवाससमये केन्द्रीयजल-शक्तिमन्त्रिणा सी.आर. पाटिलेण सह सौजन्यसाक्षात्कारं कृतवान्। अस्मिन् अवसरे मुख्यमन्त्रिणा डॉ. यादवेन मध्यप्रदेशसम्बद्धेषु विभिन्नेषु महत्त्वपूर्ण-विषयेषु केन्द्रीयमन्त्रिणा सह चर्चा कृता।
मुख्यमन्त्री डॉ. यादवः सामाजिकमाध्यमे ‘एक्स’ इत्यत्र सूचनां प्रदाय उक्तवान् यत् अद्य नवदिल्ली इत्यत्र केन्द्रीयजल-शक्तिमन्त्रिणा पाटिलेण सह सौजन्य-साक्षात्कारं कृत्वा मध्यप्रदेशे जल-प्रबन्धनस्य सिञ्चनसुविधानां विस्तारेण च सह जनहितसम्बद्धेषु विषयेषु चर्चा कृता। अस्मिन् अवसरे मध्यप्रदेशस्य विकासे केन्द्रसर्वकारस्य निरन्तर-सहयोगाय तेन केन्द्रीयमन्त्रिणः आभारः व्यक्तः।
मिलनसमये प्रदेशे जलप्रबन्धनस्य सिञ्चनसुविधानां विस्तारस्य च विषये, जनहितसम्बद्धेषु विषयेषु च विचारविमर्शः अभवत्। मुख्यमन्त्रिणा उक्तं यत् केन्द्रसर्वकारस्य राज्यसर्वकारस्य च समन्वितप्रयत्नैः मध्यप्रदेशे जल-संसाधनानां विकासाय संरक्षणाय च नूतना गतिः प्राप्यते।
Hindusthan Samachar / Divya Ranjan