नव दिल्ली, 01 सितम्बरमासः(हि.स.)। प्रधानमन्त्री नरेन्द्रमोदी मङ्गलवासरे ‘एक्स’ इति सामाजिकमाध्यमे प्रकाशिते सुभाषिते व्यक्तेः कार्ययोजनां पूर्णतया कार्यान्वितं यावत् तस्याः गोपनीयतां रक्षितुं महत्त्वं रेखाङ्कितवान्।

प्रधानमन्त्री मोदी ‘एक्स’ इत्यत्र संस्कृतस्य एकं श्लोकं लिखितवान्— “‘यस्य कृत्यं न जानन्ति मन्त्रं वा मन्त्रितं परे। कृतमेवास्य जानन्ति स वै पण्डित उच्यते॥’” अस्य भावार्थः अस्ति यत् यस्य पुरुषस्य कार्याणां योजनानां गोपनीयविचाराणां रणनीतीनां च विषये अन्ये जनाः तावत् न जानन्ति, यावत् तानि कार्याणि सफलतापूर्वकं पूर्णानि न भवन्ति, सः संयमी, विवेकी, गम्भीरश्च पुरुष एव वास्तवतः बुद्धिमान् इति कथ्यते।

---------------

Hindusthan Samachar / Dheeraj Maithani