मीरजापुरम्, 01 सितंबरमासः (हि.स.)। भारतीयजनतादलस्य जनपदकार्यालयस्य बरौधा-कचार-सभागारे मङ्गलवासरे मण्डलकार्यसमितेः सत्यापनं प्रवासयोजनां च विषयी कृत्वा उपवेशनम् आयोजितम्। अस्मिन् उपवेशने आगामीसाङ्गठनिककार्यक्रमाणां सह मण्डलस्तरे कार्यसमितेः सत्यापनस्य सर्वेषु मण्डलेषु प्रवासयोजनायाः प्रभाविरूपेण कार्यान्वयनस्य च विषये विस्तरेण चर्चा कृता।

बैठकस्य अध्यक्षतां कुर्वन् जनपदाध्यक्षः लालबहादुरसरोजः अवदत् यत् सङ्गठनस्य सुदृढतायाः आधारः बूथस्तरे अस्ति। अतः कार्यसमितेः सत्यापनकार्यं समयबद्धरूपेण पूर्णं करणम् आवश्यकम् अस्ति। सः पदाधिकारिभ्यः स्वस्वनिर्धारितेषु प्रवासक्षेत्रेषु गत्वा कार्यकर्तृभिः सह संवादं स्थापयितुं साङ्गठनिकक्रियाकलापान् च गतिं प्रदातुम् आह्वानं कृतवान्।

उपवेशने मण्डलाध्यक्षेभ्यः, मण्डलप्रभारिभ्यः मण्डलकार्यक्रमसंयोजकेभ्यश्च सङ्गठनस्य आगामीक्रियाकलापानां विषये आवश्यकाः निर्देशाः प्रदत्ताः। पदाधिकारिभिः प्रवासयोजनां प्रभाविरूपेण कार्यान्वयितुं कार्यकर्तॄणां मध्ये उत्तमसमन्वयं स्थापयितुं च विचारविमर्शः कृतः।

कार्यक्रमस्य सञ्चालनं जनपदकोषाध्यक्षः अभियानसहसंयोजकश्च चन्द्रांशुगोयलः कृतवान्। उपवेशने पूर्वजनपदाध्यक्षौ मनोजजायसवालः बालेंदुमणित्रिपाठी च, प्रदेशमहामन्त्री पिछड़ामोर्चा स्वामीनाथसिंहः सहितं जनपदपदाधिकारिणः अन्ये च कार्यकर्तारः उपस्थिताः आसन्।

---------------

Hindusthan Samachar / Dheeraj Maithani