Enter your Email Address to subscribe to our newsletters
मुरादाबादम्, 01 सितम्बरमासः (हि.स.)।
उत्तराखण्डस्य देहरादूने आयोजितायां द्वितीय-मिनी-अण्डर-११ तथा जूनियर-अण्डर-१७ राष्ट्रिय-उत्तरक्षेत्रीय-रोलवाल-चैम्पियनशृंखलायां २०२६ मुरादाबादस्य प्रतिभाशाली क्रीडकः विवानगुप्तः अण्डर-१७ वर्गे उत्कृष्टं प्रदर्शनं कृत्वा सुवर्णपदकं विजित्य मुरादाबादस्य नाम गौरवान्वितवान्।
डिस्ट्रिक्ट रोलवाल एसोसिएशन मुरादाबादस्य जिलासचिवा रिम्पीसिंहः उक्तवती यत् एषा प्रतियोगिता २९ अगस्ततः ३१ अगस्तपर्यन्तं देहरादूनस्य परेडग्राउण्डस्थिते स्केटिङ्गरिङ्के आयोजिता। गोल्डन गेट विद्यालयस्य छात्रस्य विवानगुप्तस्य चयनं मुरादाबादतः अस्यां राष्ट्रियप्रतियोगितायां कृते अभवत्। विवानेन स्वकीयया उत्कृष्टया क्रीडाप्रतिभया श्रेष्ठप्रदर्शनेन च सुवर्णपदकं प्राप्तम्।
विवानस्य अस्याः उपलब्धेः कारणेन मुरादाबादस्य क्रीडाजगति विद्यालयपरिवारे च हर्षस्य वातावरणम् अस्ति। तस्य सफलतायै डिस्ट्रिक्ट रोलवाल एसोसिएशनस्य अध्यक्षः मनुमिश्रः, जिलासचिवा रिम्पीसिंहः, एसोसिएशनस्य सर्वे पदाधिकारिणः, प्रशिक्षकाः तथा दलसदस्याः विवानं हार्दिकं अभिनन्दनं शुभकामनां च प्रदत्तवन्तः।
सर्वैः उक्तं यत् विवानस्य एषा उपलब्धिः मुरादाबादस्य कृते गौरवस्य विषयः अस्ति तथा तस्य सफलता जनपदस्य अन्यान् युवा-क्रीडकान् अपि अग्रे वर्धितुं प्रेरयिष्यति। विवानगुप्तस्य अस्याः उत्कृष्टोपलब्धेः कृते सम्पूर्णं मुरादाबादं गौरवान्वितम् अस्ति।
Hindusthan Samachar / Dheeraj Maithani