Enter your Email Address to subscribe to our newsletters
मंदसौरम्, 10 सितंबरमासः(हि.स.)। मध्यप्रदेशस्य मन्दसौरनगरे नगरपालिकापरिषदः द्वारा उत्कृष्टमार्गस्य विभाजके बृहत् वृक्षारोपणकार्यक्रमस्य आयोजनं कृतम्। एतत् पुण्यकार्यं भारतीयजनतापक्षस्य अन्यपिछड़ावर्गमोर्चादलस्य प्रदेशकोषाध्यक्षस्य धीरजपाटीदारजनस्य जन्मदिवसस्य १० सितम्बरदिनस्य विशेषावसरे कृतम्। अस्मिन् अवसरे प्रधानमन्त्रीनरेन्द्रमोदिनः आह्वानेन ‘एकं वृक्षं मातुः नाम्ना’ अभियानस्य अन्तर्गतं वृक्षारोपणं कृतम्।
अस्मिन् अवसरे स्थानीयनिवासिभिः भारतीयजनतापक्षस्य सर्वैः वरिष्ठकार्यकर्तृभिश्च मिलित्वा वृक्षारोपणं कृतम्। धीरजपाटीदारः स्वजन्मदिवसस्य विशेषावसरं पूर्णतया प्रकृतये समर्पितवान्। कार्यक्रमे सन्देशः प्रदत्तः यत् सर्वेभ्यः स्वच्छवायुः स्वस्थं पर्यावरणं च प्राप्येत, एतद्दिशि सर्वैः एकजुटतया कार्यं करणीयम्।
उक्तकार्यक्रमे क्षेत्रीयपार्षदया धीरजपाटीदारस्य धर्मपत्न्या भारतीपाटीदारया च विशेषं सहयोगं प्रदत्तम्। अस्मिन् पर्यावरणहितैषिणि कार्यक्रमे नगरस्य अनेकैः गणमान्यनागरिकैः जनप्रतिनिधिभिश्च उत्साहपूर्वकं सहभागिता कृता।
कार्यक्रमे मुख्यरूपेण भारतीयजनतापक्षस्य प्रदेशप्रवक्ता यशपालसिंहसिसोदिया, मन्दसौरनगरपालिकापरिषदः अध्यक्षा रमादेवीगुर्जरा, विजयसुराणा, भाजपायाः जिलामहामन्त्री शिवराजसिंहराणा, भाजपायाः अन्यपिछड़ावर्गमोर्चायाः प्रदेशकोषाध्यक्षः धीरजपाटीदारः, भाजपानेता पुलकितपटवा, क्षेत्रीयपार्षदा भारतीपाटीदाराश्च उपस्थिताः आसन्।
एतेषाम् अतिरिक्तं कार्यक्रमे भारतीयजनतापक्षस्य सर्वे वरिष्ठाः आशीर्वाददातारः, बहुसंख्याकाः पर्यावरणप्रेमिणः, युवाकार्यकर्तारः मातृशक्तयश्च उपस्थिताः आसन्। सर्वे स्वहस्तैः वृक्षान् रोपयित्वा नगरस्य पर्यावरणं स्वच्छं सुन्दरं च कर्तुं सङ्कल्पं कृतवन्तः।
---------------
Hindusthan Samachar / Dheeraj Maithani