Enter your Email Address to subscribe to our newsletters
– सर्वाः व्यवस्थाः समये पूर्णं कर्तुं निर्देशाः, श्रद्धालूनां साधु-सन्तानां च सुविधानां विशेषं ध्यानं दातव्यम्
अयोध्या, १० सितम्बरमासः (हि.स.)। आगामी दीपोत्सवस्य सज्जतायाः विषये गुरुवासरे मण्डलायुक्तस्य राजेशकुमारस्य अध्यक्षतायां समीक्षा-सभा आयोजिता। सभायां दीपोत्सवस्य अन्तर्गतं आयोज्यमानानां प्रमुखकार्यक्रमाणां — शोभायात्रा, श्रीरामलीला, सरयू-आरती, प्रदर्शनी तथा मञ्च-व्यवस्था — इत्येषां सज्जतायाः समीक्षा कृता।
मण्डलायुक्तेन निर्देशितं यत् साधु-सताभ्यः श्रद्धालुभ्यश्च सर्वाः आवश्यकव्यवस्थाः पूर्वमेव सुनिश्चिताः क्रियन्ताम्, येन दीपोत्सवस्य समये कस्यापि प्रकारस्य असुविधा न भवेत्। तेन यातायात-व्यवस्था, बैरिकेडिंग्, हेलीपैड्, वाहनस्थानक-व्यवस्था, गोल्फ-कार्ट्-व्यवस्था, घाटानां स्वच्छता, पेयजलम्, शौचालयाः तथा प्रकाश-व्यवस्था समये एव सुदृढीकर्तुं निर्देशाः दत्ताः।
तथैव मार्गेषु स्थितानां रेलिङ्ग्-विभाजकानां च मरम्मतिः, क्षतिग्रस्तविद्युत्-स्तम्भानां सुधारः तथा कार्यक्रमस्थलेषु जनानां उपवेशनाय पर्याप्तव्यवस्थायाः सुनिश्चितीकरणाय निर्देशाः दत्ताः।
मण्डलायुक्तेन दीपोत्सवस्य अवधौ निरन्तरा निर्बाधा च विद्युत्-आपूर्तिः सुनिश्चितुं निर्देशाः प्रदत्ताः। तेन सर्वेभ्यः सम्बद्धविभागेभ्यः परस्परसमन्वयेन कार्यं कुर्वद्भिः निर्धारितसमयसीमायां सज्जताः पूर्णं कर्तुं तथा व्यवस्थाः निरन्तरं निरीक्षितुं कथितम्।
पञ्चकोसी तथा चतुर्दशकोसी परिक्रमा-मार्गस्य अपि अभवत् समीक्षा
सभायां पञ्चकोसी तथा चतुर्दशकोसी परिक्रमा-सज्जतानाम् अपि विस्तृतरूपेण समीक्षा कृता। मण्डलायुक्तेन परिक्रमा-मार्गे प्रचलितानां निर्माणकार्याणां तथा अन्यविकासकार्याणां निर्धारितसमयात् पूर्वं पूर्णतां प्राप्तुं निर्देशाः दत्ताः।
तेन उक्तं यत् परिक्रमा-आरम्भात् पूर्वं मार्गे आवश्यकविद्युत्-स्तम्भाः स्थाप्यन्ताम् तथा प्रकाशव्यवस्था सुनिश्चितीक्रियताम्। सर्वेषां विद्युत्-स्तम्भानां क्रमाङ्कनम् अपि कारयितव्यं, येन तेषां सरलतया चिन्हांकनं निरीक्षणं च कर्तुं शक्येत।
मण्डलायुक्तेन उक्तं यत् दीपोत्सवस्य तथा परिक्रमा-अवसरे अयोध्यां आगच्छतां श्रद्धालूनां साधु-सतां च कृते सुगमं, सुरक्षितं सुविधाजनकं च वातावरणं उपलब्धं कारयितुं प्रशासनस्य प्राथमिकता अस्ति। सर्वे विभागाः स्व-स्व दायित्वानि समयबद्धरूपेण पूर्णं कृत्वा व्यवस्थाः अन्तिमरूपं ददतु।
सभायां डी.आई.जी. सोमेन वर्मा, जिलाधिकारी शशांकत्रिपाठी, वरिष्ठपुलिसाधीक्षकः डॉ. गौरवग्रोवरः, नगरायुक्तः जयेंद्रः, अयोध्याविकासप्राधिकरणस्य उपाध्यक्षः अनुरागजैनः तथा मुख्यविकासाधिकारी कृष्ण कुमार सिंहः सहिताः सम्बद्धाः अधिकारीगणाः उपस्थिताः आसन्।
––––––––––––––––––––––––––––––––
Hindusthan Samachar / अंशु गुप्ता