Enter your Email Address to subscribe to our newsletters
गुवाहाटी, 10 सितंबरमासः (हि.स.)।
असमस्य शिक्षामन्त्री डॉ. रणोजपेगूः राज्यस्य डीआईईटी-संस्थानैः समाजस्य अन्तिमपङ्क्तौ स्थितस्य प्रत्येकस्य विद्यार्थिनः गुणवत्तापूर्णशिक्षां सुनिश्चितकर्तुं प्राथमिकतां दातुम् आह्वानं कृतवान्।
पेगूः गुरुवासरे खानापाडास्थिते असमप्रशासनिकपदाधिकारीमहाविद्यालये राज्यस्य डीआईईटी-संस्थानैः सह आयोजितायां द्विदिवसीयायां परामर्शसभायां सहभागं कुर्वन् एतद् उक्तवान्। सभायां डीआईईटी-संस्थानैः पूर्वसमये स्वीकृतानां विभिन्नानां पदक्षेपाणां समीक्षा कृता तथा परखराष्ट्रियसर्वेक्षणस्य, दक्षताआधारितमूल्याङ्कनस्य, मूलभूतसाक्षरतायाः संख्याज्ञानस्य च सम्बद्धानां कार्यक्रमाणां प्रगतेः विषये चर्चा कृता।
शिक्षामन्त्रिणा मन्दगतिना अधीयानानां विद्यार्थिनां विषये विशेषध्यानस्य आवश्यकतायां बलं दत्तम्। तेन उक्तं यत् प्रत्येकस्मै विद्यार्थिने समानावसरः आवश्यकं सहयोगं च प्राप्नुयात्, येन सः स्वक्षमतानुसारम् अग्रे वर्धितुं शक्नुयात्।
पेगूः उक्तवान् यत् शिक्षकैः विद्यार्थिभिः च नवीनप्रौद्योगिकीभिः परिचितैः दक्षैश्च भवितव्यम्। शिक्षण-अधिगमप्रक्रियायां प्रौद्योगिक्याः कृत्रिमबुद्धिमत्तायाश्च उचितोपयोगेन शिक्षायाः गुणवत्तायां अधिकः सुधारः कर्तुं शक्यते। तेन उक्तं यत् शिक्षा केवलं परीक्षासु उत्तमपरिणामप्राप्तिपर्यन्तं सीमिता न भवेत्, अपितु पठनलेखनाभ्यां बौद्धिकविकासेऽपि समानरूपेण ध्यानं दातव्यम्।
शिक्षाविभागस्य सहयोगेन अग्रे वर्ध्यमानस्य ‘बोधन एआई’ इत्यस्य उपक्रमस्य उल्लेखं कुर्वन् मन्त्री उक्तवान् यत् एषः उपक्रमः कृत्रिमबुद्धिमत्ताम् आधारितं शिक्षणं प्रोत्साहयितुं सहायकः भविष्यति। सः शिक्षकान् स्थानीयभाषासु मातृभाषासु च गुणवत्तापूर्णशैक्षणिकसामग्रीं निर्मातुं साझां कर्तुं च साहाय्यं करिष्यति।
तेन प्रत्येकस्मिन् डीआईईटी-संस्थाने विद्यसमीक्षाकेन्द्रस्य स्थापनायाः योजनायाः विषये अपि जानकारी प्रदत्ता। पेगूस्य अनुसारं कृत्रिमबुद्धिमत्तायाः, यन्त्राधिगमस्य, एकीकृतदत्तांशस्य च उपयोगेन शिक्षाक्षेत्रे वास्तविकसमयनिरीक्षणं दत्तांशाधारितनिर्णयप्रक्रिया च अधिकं सुदृढा कर्तुं शक्यते।
मन्त्रिणा राज्यस्य डीआईईटी-संस्थानैः पूर्वं प्रकाशितानां पुस्तकानां विद्युन्मानरूपेण उपलब्धीकरणेऽपि बलं दत्तम्। तेन डिजिटलमाध्यमानां सामाजिकसञ्चारमाध्यमानां च माध्यमेन डीआईईटी-संस्थानां ज्ञानं, शोधकार्यं, शैक्षणिकसामग्रीम्, नवाचारसम्बद्धानि कार्याणि च अधिकाधिकेभ्यः शिक्षकेभ्यः विद्यार्थिभ्यश्च प्रापयितुम् आह्वानं कृतम्।
सभायां राज्यशैक्षिकानुसन्धानप्रशिक्षणपरिषदः निदेशिका डॉ. निरदा देवी इत्यस्याः अतिरिक्तं राज्यस्य विभिन्नजनपदानां डीआईईटी-संस्थानानाम् अध्यक्षाः प्रवक्तारश्च सहभागिनः अभवन्।
------------
Hindusthan Samachar / Dheeraj Maithani