कोलकाता, १० सेप्टेम्बरमासः (हि.स.)। पश्चिमबङ्गे मुख्यमन्त्रिणः शुभेन्दु-अधिकारीस्य जादवपुर-विश्वविद्यालयस्य समीपतः गच्छन्तीं शोभायात्रां प्रति भाजपा-विधायिका सरबरी-मुखर्जी बुधवासरे रात्रौ पत्रकारैः सह वार्तालापं कुर्वती अवदत् यत् एतत् अत्यन्तं महत्त्वपूर्णम् अस्ति, यतः अस्मिन् निर्वाचने भाजपा जादवपुरे विजयम् अवाप्तवती। सा अवदत् यत् जादवपुरे राष्ट्रवादस्य समर्थनं कृतम् अस्ति। सा उक्तवती यत् भाजपा निर्वाचने १,०६,९९२ मतैः विजयम् अवाप्तवती।

सरबरी-मुखर्जी जादवपुर-विश्वविद्यालयस्य स्थितिं प्रति प्रश्नम् उत्थापयन्ती अवदत् यत् तत्र अद्यापि विभिन्नानि वामपन्थि-छात्रसङ्घटनानि सक्रियाणि सन्ति। सा एतानि सङ्घटनानि प्रधानमन्त्रिणा प्रयुक्तेन ‘दिमागी नक्सल’ इति पदेन सम्बध्नन्ती अवदत् यत् विश्वविद्यालयेषु छात्राणां विशेषप्रकारेण नियुक्ति: क्रियते।

भाजपा-विधायिका आरोपितवती यत् एतादृशैः सङ्घटनैः विशेषरूपेण केचन छात्राः लक्ष्यीकृताः भवन्ति। तेषां सङ्घटनानां ध्वजान् वोढुं, तेषां विचारान् पुनः पुनः वक्तुं तथा देशविरोधिनः घोषान् कर्तुं च तेषु दबावः क्रियते। सा अवदत् यत् छात्राणां एवं वैचारिकरूपेण प्रभावित-करणस्य प्रक्रियायाः एव ‘दिमागी नक्सलवादः’ इति कथितुं शक्यते।

सा अवदत् यत् युवा-छात्राः स्वगृहात् परिवाराच्च दूरे स्थित्वा प्रातः १० वादनात् रात्रौ १० वादनपर्यन्तं परिसर एव निवसन्ति। सा प्रश्नम् अकरोत् यत् महाविद्यालयस्य छात्रः प्रातः १० वादनात् रात्रौ १० वादनपर्यन्तं परिसरे किं करोति। सा अवदत् यत् यदा एतादृशेषु विषयेषु प्रश्नाः उत्थाप्यन्ते, तदा प्रश्नकर्तारः साम्प्रदायिकाः इति कथ्यन्ते।

सरबरी-मुखर्जी विश्वविद्यालयानां भित्तिषु कथितरूपेण देशविरोधिनां घोषवाक्यानां लेखनं प्रति अपि प्रश्नम् उत्थापितवती तथा च अवदत् यत् एतादृशीनां गतिविधीनां विषये चर्चा प्रश्नाश्च भवितुं आवश्यकाः सन्ति। सा उक्तवती यत् जादवपुर-विश्वविद्यालये एतादृशी स्थितिः विगतेषु प्रायः ५० वर्षेषु वर्तते।

Hindusthan Samachar / Divya Ranjan