Enter your Email Address to subscribe to our newsletters
भोपालम्, १० सेप्टेम्बरमासः (हि.स.)। मध्यप्रदेशस्य यात्रीपरिवहनव्यवस्थां स्मार्ट्, सुरक्षितां पर्यावरणानुकूलां च कर्तुं इन्दौरे द्विदिवसीयं यात्रीपरिवहनदृष्टि-सम्मेलनम्-२०२६ आयोजितं भविष्यति। ११ सेप्टेम्बरमासात् आरभ्यमाणे सम्मेलने जननिजी-सहभागिताया: प्रारूपम्, कृत्रिमबुद्धिमत्ता-धारितमार्गयोजनम्, हरितपरिवहनम्, एकीकृतं चिटिका-व्यवस्थापनं, यात्रि-सुरक्षा च इत्यादिषु विषयेषु देशस्य विभिन्नेभ्यः भागेभ्यः आगताः विशेषज्ञाः उद्योगप्रतिनिधयश्च मन्थनं करिष्यन्ति। मुख्यमन्त्री डॉ. मोहनयादवः सम्मेलनस्य उद्घाटनं करिष्यति।
जनसम्पर्काधिकारी सुनीलवर्मा गुरुवासरे अवदत् यत् अस्मिन् सम्मेलने निजीबसचालकाः, नीतिनिर्मातारः, परिवहनविशेषज्ञाः, देशस्य विभिन्न-राज्यानां परिवहनसंस्थानां प्रतिनिधयः, सूचनाप्रौद्योगिकीनिर्माण्यः उद्योगजगतः प्रतिनिधयश्च एकस्मिन् मञ्चे समागमिष्यन्ति। ते मध्यप्रदेशस्य यात्रीपरिवहनव्यवस्थां अधिकप्रभावितां भविष्यस्य आवश्यकतानुरूपां च कर्तुं रणनीतिं विचारांश्च सहभागितां कुर्वन्ति।
तेन उक्तं यत् सम्मेलनस्य प्रमुखः केन्द्रबिन्दुः ‘मुख्यमन्त्री सुगम-परिवहनसेवा’ भविष्यति। ‘नूतना चिन्ता, नूतना राहा, नूतनं मध्यप्रदेशम्’ इति दृष्ट्या आयोजितस्य अस्य सम्मेलनस्य उद्देश्यम् मध्यप्रदेशयात्री-परिवहन-आधार-भूतसंरचना-लिमिटेड् (एमपीवाईपी-आईएल) इत्यस्य माध्यमेन जननिजी-सहभागिता प्रारूपस्य, आधुनिकसूचना-प्रौद्योगिकीप्रणालीनां, हरितशक्त्याधारित-परिवहनपारिस्थितिकीतन्त्रस्य च गतिं वर्धयितुम् अस्ति। परिवहन-विद्यालय-शिक्षामन्त्री उदयप्रतापसिंहः अपि सम्मेलने भागं ग्रहीष्यति।
जनसम्पर्काधिकारी अवदत् यत् मुख्यमन्त्री डॉ. यादवः सम्मेलने उद्योग-प्रदर्शिन्याः उद्घाटनं करिष्यति। प्रदर्शिन्याम् बसनिर्मातारः, सूचना-प्रौद्योगिकीनिर्माण्यः, वित्तीयसंस्थाः परिवहनक्षेत्रसम्बद्धाः अन्ये उद्योगाः प्रदेशस्य विभिन्नाः सर्वकारीयाः निगमाश्च स्वकीयाः गतिविधयः, तकनीकी-समाधानानि नवाचारांश्च प्रदर्शयिष्यन्ति। अनेन परिवहनक्षेत्रे निवेशस्य, प्रौद्योगिक्याः नूतन-सहभागितानां च सम्भावनाः अपि वर्धिष्यन्ते।
सम्मेलने ईलेट्स टेक्नोमीडिया इत्यनेन सङ्कलितस्य सम्मेलनस्य स्मारिकायाः विमोचनं करिष्यते। ततः एमपीवाईपी-आईएल-संस्थया ‘मुख्यमन्त्री सुगम-परिवहनसेवा’ इत्यस्य संरचनां योजनान्तर्गतं भविष्ये करणीयानां कार्याणां च विषये केन्द्रितायाः विशेष-पुस्तिकायाः अपि विमोचनं भविष्यति। राष्ट्रियस्तरे आयोजितायाः प्रतियोगितायाः माध्यमेन चयनितस्य एमपीवाईपी-आईएल-संस्थायाः नूतनस्य प्रतीक-चिह्नस्य अनावरणमपि मुख्यमन्त्री डॉ. यादवः करिष्यति। तेन सह परिवहनक्षेत्रे नवाचारान् तकनीकीसमाधानानि च विकसितुं प्रवृत्तान् मोबिलिटी-स्टार्टअप-संस्था: प्रोत्साहयितुम् आयोजितस्य हैकाथॉनस्य शुभारम्भोऽपि भविष्यति। सम्मेलने सम्पन्नस्य विचारविमर्शस्य विशेषज्ञाणां विचाराणां च आधारेण प्रदेशस्य यात्रीपरिवहनव्यवस्थां प्रौद्योगिकीसमर्थितां, सुरक्षितां, सुविधाजनकां, स्थायिनीं च कर्तुं भावीकार्ययोजना निर्मीयते।
जनसम्पर्काधिकारी अवदत् यत् सम्मेलने देशस्य विभिन्नेभ्यः क्षेत्रेभ्यः विशेषज्ञाः, उद्योगजगतः प्रतिनिधयः, निजीबसचालकाः, देशस्य विभिन्नराज्यानां परिवहनसंस्थानां प्रतिनिधयः, सूचनाप्रौद्योगिकीनिर्माणीनां प्रतिनिधयश्च भागं ग्रहीष्यन्ति। ते प्रदेशस्य सार्वजनिकयात्रीपरिवहनव्यवस्थां आधुनिकां, सरलां, सुगमां, सुरक्षितां पर्यावरणानुकूलां च कर्तुं रणनीतिं निर्मास्यन्ति तथा स्वकीयविचारान् अपि प्रदास्यन्ति। परिवहनसम्मेलने अष्ट सत्राणि भविष्यन्ति। एतेषु सत्रेषु यात्रीपरिवहनं सुगमं, सुरक्षितं, स्मार्ट्, प्रदूषणमुक्तं च कर्तुं, एमपी-मोबिलिटी-विजन-२०३० अन्तर्गतं पीपीपी-प्रारूपेण निवेशं, रोजगारम्, उद्यमितां च वर्धयितुं, वित्तीयरूपेण आत्मनिर्भरबससञ्चालनं, यात्रिसुरक्षां, हरितपरिवहनं, स्वच्छेन्धनं, एकीकृतचिटिकाव्यवस्थापनं, स्वचालित-भाटकसङ्ग्रहप्रणालीं च आधृत्य चर्चा भविष्यति।
जनसम्पर्काधिकारी अवदत् यत् सम्मेलने ईकेए-मोबिलिटी, टाटा-मोटर्स्, ग्रीनसेल्-मोबिलिटी, वोल्वो-आयशर् प्राइवेट् लिमिटेड्, स्विच-मोबिलिटी (हिन्दुजा-ग्रुप्), एयरो-ईगल्-ऑटोमोबाइल, यश-टेक्नोलॉजीज, रैपिडो, चलो-मोबिलिटी, एमनेक्स्-इन्फोटेक्नोलॉजीज, इण्डियन-ऑयल-कॉर्पोरेशन लिमिटेड्, एसबीआई, थिङ्क्-गैस इत्यादयः प्रमुखाः निर्माण्य: सहभागितां करिष्यन्ति। तदतिरिक्तं विभिन्नानां शिक्षणसंस्थानां, विचार-मञ्चानां परामर्शसंस्थानां च परिवहनविशेषज्ञाः अपि सम्मेलने स्वानुभवान् विचारांश्च साझीकुर्वन्ति। तेषु डब्ल्यूआरआई-इण्डिया, बिट्स्-पिलानी, सीईपीटी-अहमदाबाद्, केपीएमजी, डिम्ट्स च प्रमुखाः सन्ति।
एतेषु अष्टसु सत्रेषु भविष्यति मन्थनम्
१. ‘मध्यप्रदेश-मोबिलिटी-विजन-२०३० : बससञ्चालने इन्टेलिजेन्ट्-ट्रान्सपोर्ट्-मैनेजमेण्ट्-सिस्टम इत्यत्र च जननिजी-सहभागितां वर्धयितुम्’
अस्मिन् सत्रे मध्यप्रदेशस्य विस्तीर्ण-भौगोलिकविस्तारस्य द्रुतगत्या वर्धमानेषु नगरीयकेन्द्रेषु च अनुरूपं बससञ्चालनस्य आईटीएमएस-व्यवस्थायाश्च पीपीपी-प्रारूपस्य कार्यान्व-यनेन सेवागुणवत्तां सुधारयितुं मन्थनं भविष्यति।
२. ‘भविष्याय सज्जं यात्रीपरिवहनस्य आधारभूतसंरचनम् : जननिजी-सहभागितया निवेशस्य प्रोत्साहनम्’
अस्मिन् सत्रे बसस्थानकेषु, बहुप्रकारपरिवहनकेन्द्रेषु, विद्युत्परिवहने, इन्टेलिजेन्ट-ट्रान्सपोर्ट्-सिस्टम इत्यादिषु आधुनिकपरिवहनसम्पत्तिषु पीपीपी-माध्यमेन निवेशम् आकर्षयितुं, अभिनववित्तपोषणप्रारूपाणि, नीतिसहयोगं, जोखिमविभाजनव्यवस्थां च केन्द्रे कृत्वा चर्चा भविष्यति।
३. ‘वित्तीयरूपेण सुदृढस्य आत्मनिर्भरस्य च सार्वजनिकबससञ्चालनस्य कृते रणनीतयः’
अस्मिन् सत्रे केवलं किरायाधारितनिर्भरतां न्यूनीकर्तुं, व्यवहार्यतावित्तपोषणस्य अन्तरं पूरयितुं, गैर-भाटकराजस्वस्य (विज्ञापन, विक्रय, रसदसेवा, नामकरणाधिकारा-दीनां) उपयोगं तथा प्रदर्शनाधारितानां अनुबन्धानां विषये विचारः भविष्यति।
४. ‘यात्रीपरिवहनक्षेत्रे रोजगारस्य उद्यमितायाश्च सृजनाय केन्द्रसर्वकारस्य योजनानां प्रभावी उपयोगः’अस्मिन् पीएम-मुद्रायोजना, पीएमईजीपी, स्टार्टअप-इण्डिया, स्टैण्डअप-इण्डिया, पीएम-कौशलविकासयोजना, पीएम-ई-ड्राइव, पीएम-ई-बससेवा, पीएम-गतिशक्तिराष्ट्रिय-मास्टर-प्लान इत्यादीनां माध्यमेन परिवहनसेवाप्रदातॄन्, सूक्ष्मलघु-मध्यमोद्योगान्, महिला-उद्यमिनः, कुशलव्यावसायिकांश्च सशक्तीकर्तुं चर्चा भविष्यति।
५. ‘सार्वजनिकपरिवहनव्यवस्थायां सुरक्षा, विश्वसनीयता यात्रिसुविधा च’
अस्मिन् सत्रे सीसीटीवी-निरीक्षणम्, आपत्कालीनप्रतिक्रिया, पूर्वरक्षणम्, वास्तविकसमययात्रिसूचना, चालकप्रशिक्षणं, शिकायतनिवारणं च इत्यादिषु यात्रिकेन्द्रितविषयेषु विमर्शः भविष्यति।
६. ‘दत्तांशाधारितनिर्णयः : नगरान्तर्गत-अन्तरनगरीयबसमार्गाणां सञ्चालनस्य च योजना (कृत्रिमबुद्धिमत्ताधारित-विश्लेषणसहितम्)’अस्मिन् सत्रे राज्यव्यापी आईटीएमएस, वास्तविकसमयदत्तांशस्य कृत्रिमबुद्धिमत्तायाश्च माध्यमेन मार्गाणां युक्तिकरणस्य समयसारणी-निर्धारणस्य च विषये विशेषज्ञाः चर्चां करिष्यन्ति।
७. ‘हरितपरिवहनम् : स्वच्छेन्धनं भविष्याय सज्जं च बसदलम्’
अस्मिन् सत्रे विद्युदाधारितानां, हाइड्रोजना-धारितानां, फ्लेक्स-फ्यूल्-बसयानानां, आवेशन-पुनर्भरण-संरचनायाः, हरितबसस्थानकानां, उन्नत-चालकसहायताप्रणाल्याः च तकनीकीसंरचनात्मकपक्षाणां समीक्षा भविष्यति।
८. ‘एकं राज्यम्, एका यात्रा : एकीकृतचिटिकाव्यवस्थापनस्य स्वचालितभाटकसङ्ग्रहप्रणाल्याश्च माध्यमेन निर्बाधयात्रानुभवः’अस्मिन् सत्रे नेशनल्-कॉमन-मोबिलिटी-कार्ड, स्वचालितकिरायासङ्ग्रहः, ओपन-लूप्-भुगतानप्रणाली, मोबिलिटी-एज-अ-सर्विस मञ्चश्च इत्येतेषां विषये चर्चा भविष्यति।
Hindusthan Samachar / Divya Ranjan