Enter your Email Address to subscribe to our newsletters
भोपालम्, १० सेप्टेम्बरमासः (हि.स.)। न्यायमूर्तिः अल्पेशयशवन्तकोगजे गुरुवासरे अत्र लोकभवने सांदीपनि-सभागारे आयोजिते सादेसमारोहे मध्यप्रदेशोच्चन्यायालयस्य त्रिंशत्तमः मुख्यन्यायाधीशरूपेण शपथं गृहीतवान्। राज्यपालः मङ्गुभाईपटेलः तं शपथं कारितवान्।
अस्मिन् अवसरे मुख्यमन्त्री डॉ. मोहनयादवः अपि उपस्थितः आसीत्। राज्यपालः पटेलः मुख्यमन्त्री यादवश्च शपथग्रहणानन्तरं नवनियुक्ताय मुख्य-न्यायाधीशाय कोगजे-महोदयाय पुष्पगुच्छं प्रदाय अभिनन्दनं शुभकामनाश्च अर्पितवन्तौ। मुख्यसचिवः अशोकबर्णवालः शपथग्रहणसमारोहस्य सञ्चालनं कृतवान्। तेन राष्ट्रपतिना मध्यप्रदेशोच्च-न्यायालयस्य मुख्यन्यायाधीशरूपेण अल्पेशयशवन्तकोगजे-महोदयस्य नियुक्तिसम्बन्धिन्याः अधिसूचनायाः वाचनं कृतम्। समारोहस्य प्रारम्भः समापनं च ‘वन्दे मातरम्’ इति राष्ट्रियगीतस्य ‘जनगणमन’ इति राष्ट्रगानस्य च गायनेन अभवत्।
शपथग्रहणेन सहैव मध्यप्रदेशोच्च-न्यायालयाय प्रायः त्रिमासानन्तरं स्थायीमुख्यन्यायाधीशः प्राप्तः। एतदपूर्वं न्यायमूर्तिः विवेकरुसिया कार्यवाहक-मुख्यन्यायाधीशरूपेण दायित्वं निर्वहन् आसीत्।
शपथग्रहणसमारोहे विधानसभाध्यक्षः नरेन्द्रसिंहतोमरः, उपमुख्यमन्त्रिद्वयं जगदीशदेवडा राजेन्द्रशुक्लश्च, कौशल-विकास-रोजगारराज्यमन्त्री (स्वतन्त्र-प्रभारः) गौतमटेटवालः, महापौरः मालतीरायः, मध्यप्रदेशमानवाधिकारा-योगस्य अध्यक्षः अवधेशप्रतापसिंहः, पूर्व-राज्यपालः कप्तान-सिंहसोलङ्की, न्यायमूर्तयः जी.एस.-अहलूवालिया, सुबोध-अभ्यङ्करः, सन्दीप एन. भट्टः, विनयसराफः, रमेशफडके च, मध्यप्रदेशोच्चन्यायालयस्य रजिस्ट्रार-जनरलः धरमिन्दरसिंहः, अपरमुख्यसचिवौ डॉ. शिवशेखरशुक्लः संजयशुक्लश्च, राज्यपालस्य प्रमुखसचिवः डॉ. नवनीत-मोहनकोठारी, आरक्षक-महानिदेशकः कैलाशमकवाना, विधायकाः, सांसदाः, मध्यप्रदेशस्य गुजरातस्य उत्तरप्रदेशस्य च उच्चन्याया-लयानां न्यायमूर्तयः, वरिष्ठाः प्रशासनिकाः न्यायिकाः च अधिकारिणः, अधिवक्तारः आयोगानां पदाधिकारिणश्च उपस्थिताः आसन्।
उल्लेखनीयं यत् न्यायमूर्तिः कोगजे एतदपूर्वं गुजरातोच्चन्यायालये न्याया-धीशरूपेण स्वसेवां प्रददन् आसीत्। उच्चतम-न्यायालयस्य कॉलेजियमेन ३१ अगस्तमासे २०२६ तमे वर्षे तस्य नाम मुख्यन्यायाधीशपदाय अनुशंसितम् आसीत्। राष्ट्रपतिना द्रौपदीमुर्मु-महोदयया अनुमोदनं प्रदत्तानन्तरं केन्द्रसर्वकारेण ५ सेप्टेम्बरमासे २०२६ तमे वर्षे तत् अधिसूचितम्। शपथग्रहणानन्तरं न्यायमूर्तिः कोगजे भोपालात् जबलपुरं गमिष्यति। सः ११ सेप्टेम्बरमासे मध्य-प्रदेशोच्चन्यायालयस्य मुख्यन्यायाधीश-रूपेण कार्यभारं स्वीकरिष्यति।
Hindusthan Samachar / Divya Ranjan