-उच्चन्यायालयस्य आदेशस्य तारतम्ये में आवश्यक्यै कार्यवाह्यै प्राथमिकतया सुनिश्चितं कर्तुं निर्देशः

भोपालम्, 10 सितंबरमासः (हि.स.)।

मध्यप्रदेशस्य उपमुख्यमन्त्री राजेन्द्रशुक्लः गुरुवासरे मन्त्रालये परिचर्याशास्त्रच्छात्राणां परीक्षाफलसम्बन्धितविषयस्य समीक्षां कुर्वन् विभागीयाधिकारिभ्यः वस्तुस्थितेः विषये जानकारीं प्राप्तवान्। तेन उच्चन्यायालयस्य आदेशस्य अनुसरणे सम्बन्धितप्रकरणे आवश्यककार्यवाहीं सर्वोच्चप्राथमिकतया सुनिश्चितं कर्तुं निर्देशाः प्रदत्ताः।

उपमुख्यमन्त्री शुक्लः अवदत् यत् छात्राणां हितं सर्वोच्चप्राथमिकता अस्ति। उच्चन्यायालयस्य आदेशानुसारं सर्वाः आवश्यकाः प्रक्रियाः निर्धारितसमयसीमायां पूर्णाः क्रियन्तां, येन पात्रछात्राणां परीक्षाफलप्राप्तौ कस्यापि प्रकारस्य कठिनता न भवेत्।

उपमुख्यमन्त्री शुक्लेन निर्देशितं यत् समाविष्टसंस्थानानि प्राथमिकतया सूचितानि कृत्वा आवश्यककार्यवाही सुनिश्चितीक्रियताम्, येन सम्बन्धितछात्राणां परीक्षाफलानि प्रकाशितुं शक्येरन्। तेन अधिकारिभ्यः उक्तं यत् अस्यां प्रक्रियायाम् अनावश्यकविलम्बः न भवेत् तथा विद्यार्थिनां शैक्षणिकभविष्यं दृष्ट्वा सर्वाणि आवश्यकानि पदानि समन्वयेन स्वीक्रियन्ताम्।

शुक्लेन अनुपयुक्तमहाविद्यालयानां छात्राणां भविष्यं दृष्ट्वा तेषां उपयुक्तमहाविद्यालयैः सह सम्बद्धीकरणस्य विषयेष्वपि आवश्यककार्यवाही कर्तुं निर्देशाः प्रदत्ताः। तेन उक्तं यत् एतेषां विद्यार्थिनां शैक्षणिकहितं प्रभावितं न भवेत्, अतः नियमानुसारं उपलब्धेषु विकल्पेषु शीघ्रं कार्यवाही क्रियताम्।

उपमुख्यमन्त्रिणा शुक्लेन सम्बन्धिताधिकारिभ्यः निर्देशितं यत् न्यायालयीनादेशं, विभागीयनियमान् विद्यार्थिनां हितं च ध्यानं कृत्वा प्रकरणस्य प्राथमिकतया निराकरणं क्रियताम्। सहैव सम्बन्धितसंस्थानानां विश्वविद्यालयस्य च मध्ये आवश्यकसमन्वयं सुनिश्चित्य प्रक्रियायाः सुचारुरूपेण अग्रे संचालनं क्रियताम्।

सभायां आयुक्तः लोकस्वास्थ्यचिकित्साशिक्षा च धनराजुः एस्., एमपीएनआरसी-संस्थायाः कुलसचिवः डॉ. उपेन्द्रधोटे इत्यादयः विभागीयाधिकारिणः उपस्थिताः आसन्। मध्यप्रदेशमेडिकलसायन्सविश्वविद्यालयस्य पदाधिकारिणः दूरदृश्यसम्पर्कमाध्यमेन सभायाम् सम्मिलिताः अभवन्।

---------------

Hindusthan Samachar / Dheeraj Maithani