लखनऊ, १० सेप्टेम्बरमासः (हि.स.)। अग्रिमविधानसभानिर्वाचनं दृष्ट्वा भारतीयजनतापक्षः सामाजिक-माध्यमेषु विपक्षं पराजेतुं मतदानकेन्द्रस्तरपर्यन्तं स्वकार्यकर्तॄन् सज्जीकुर्वन् अस्ति। भाजपायाः सामाजिक-माध्यमयोद्धारः विपक्षेन प्रसारितम् आख्यानं तथ्याधारेण प्रकाशयिष्यन्ति। अस्मिन् सम्बन्धे गुरुवासरे भारतीयजनतापक्षस्य सामाजिक-माध्यमविभागस्य प्रदेश-स्तरीया कार्यशाला प्रदेशभाजपा-मुख्यालये सम्पन्ना। कार्यशालायां सामाजिक-माध्यममञ्चेषु सङ्घटनस्य प्रभावी-उपस्थितेः, केन्द्र-प्रदेशयोः सर्वकारयोः जनकल्याणकारीणां योज-नानां व्यापकप्रचारस्य तथा विपक्षेण प्रसारितस्य नकारात्मकस्य भ्रामकस्य च आख्यानस्य तथ्याधारितप्रतिवादस्य रणनीतेः विषये विस्तरेण चर्चा अभवत्।

प्रदेशभाजपाध्यक्षः पङ्कजचौधरी अवदत् यत् अस्माभिः आख्यानानुगामिनः न, अपितु आख्याननिर्मातारः भवितव्यम्। विपक्षः मिथ्या, कपटं अफवाः च माध्यमेन नकारात्मकं वातावरणं निर्मातुं प्रयतते। तस्य प्रभावी उत्तरं सत्यस्य तथ्यस्य च आधारेण दातव्यम्। सः अवदत् यत् अग्रिमविधानसभानिर्वाचने यथा मतदान-केन्द्रे प्रत्येकस्मिन् गृहे च स्वकीयां सशक्तोपस्थितिं प्रदर्शयित्वा वयं पक्षस्य विचारधारां, कार्यक्रमान् अभियानानि च तथा सर्वकारस्य जनकल्याणकारीः योजनाः च जनानां पर्यन्तं प्रापयिष्यामः, तथैव सजगतया प्रतिबद्धतया च सामाजिक-माध्यमस्य प्रत्येकस्मिन् मञ्चे सङ्घटनं सक्रियं स्थापनीयम्।

प्रदेशमहामन्त्री (सङ्घटनम्) धर्मपालसिंहः अवदत् यत् सामाजिक-माध्यमयोद्धृभिः सज्जतया विपक्षस्य मिथ्याख्यानं प्रकाशयितव्यम्। सः अवदत् यत् मतदानकेन्द्रस्तरपर्यन्तं कार्यकर्ता अङ्कीयदृष्ट्या सशक्तः करणीयः। विपक्षस्य मिथ्यायाः नकारात्मकस्य च दुष्प्रचारस्य तथ्यपूर्णं, तर्कसङ्गतं समयोचितं च उत्तरं दातुं शीघ्रप्रतिक्रिया-दलस्य गठनं करणीयम्।

धर्मपालसिंहः अवदत् यत् सामाजिक-माध्यमं केवलं सन्देशप्रसारणस्य माध्यमं नास्ति, अपितु जनैः सह निरन्तरसंवादस्य महत्त्वपूर्णं मञ्चम् अस्ति। सामाजिक-माध्यमं स्थानीयस्तरस्य विकासकार्याणां, लाभार्थिनां अनुभवानां तथा पक्षस्य कार्यक्रमाणां च अधिकाधिकजनानां पर्यन्तं प्रसारणस्य माध्यमं करणीयम्।

राष्ट्रियसंयोजकः दीपक-म्हस्के अवदत् यत् कार्यकर्तारः अङ्कीयक्षेत्रे मुखराः सक्रियाश्च भवन्तु, येन सर्वकारस्य जनकल्याणकारीणां योजनानां व्यापक-प्रचारः प्रसारश्च कर्तुं शक्येत। सः अवदत् यत् बहुसंख्याकान् युवानः स्वसह-भागितायां योजयित्वा भाजपायाः विचार-धारया कार्यक्रमैश्च सह सम्बद्धान् कुर्वन्तु तथा तान् भाजपायाः साइबरयोद्धारः कारयन्तु।

राष्ट्रियसहसंयोजकः शिवानन्दद्विवेदी सामाजिक-माध्यमस्य परिवर्तमान-स्वरूपस्य, विभिन्नानां अङ्कीयमञ्चानां प्रकृतेः तथा प्रभाविसामग्रीनिर्माणस्य विषये संवादं कृतवान्।

प्रदेशसंयोजकस्य हिमांशुराजपण्डितस्य उपस्थितौ आयोजितायां प्रदेशकार्यशालायां सामाजिक-माध्यमविभागस्य क्षेत्रीय-संयोजकाः, सहसंयोजकाः, जनपद-संयोजकाश्च उपस्थिताः आसन्।

Hindusthan Samachar / Divya Ranjan