भाजपाप्रदेशाध्यक्षया डॉ. अर्चना गुप्तया हरियाणापञ्जाबराज्यपालयोः सह कृतः साक्षात्कारः

चण्डीगढ़म्, १० सितम्बरमासः (हि.स.)। भारतीयजनतापक्षस्य प्रदेशाध्यक्षया डॉ. अर्चना गुप्तया गुरुवासरे चण्डीगढ़े हरियाणाराज्यपालस्य प्रो. असीमकुमारघोषस्य तथा पञ्जाबराज्यपालस्य चण्डीगढ़प्रशासकस्य गुलाबचन्दकटारियायाः च साक्षात्कारः कृतः। अस्मिन् अवसरे सेवासङ्कल्पाभियानस्य, युवानां सक्रियसहभागितायाः, विश्वविद्यालयानां सामाजिकक्रियाकलापैः सह संयोजनस्य तथा जनसेवासम्बद्धानां विविधविषयाणां विषये चर्चा अभवत्।

हरियाणाराज्यपालस्य प्रो. असीमकुमारघोषस्य साक्षात्कारावसरे प्रधानमन्त्री नरेन्द्रमोदिनः सार्वजनिकजीवने सेवायाः समर्पणस्य राष्ट्रनिर्माणस्य च पञ्चविंशतिवर्षाणि पूर्णानि जातानि इत्यस्य उपलक्ष्ये १७ सितम्बरतः १७ अक्टोबरपर्यन्तम् आयोज्यमानस्य ‘सेवासङ्कल्पाभियानस्य’ विषये विस्तृतं विचारविमर्शः अभवत्। विशेषरूपेण प्रदेशस्य युवानां अभियाने सक्रियसहभागिता सुनिश्चितकर्तुं तथा विश्वविद्यालयानां विद्यार्थिनः, शिक्षकाः कर्मचारिणश्च सेवया सामाजिकक्रियाकलापैः च सह संयोजयितुं विषये चर्चा कृता।

डॉ. अर्चना गुप्ता अवदत् यत् विश्वविद्यालयाः केवलं शिक्षाप्रदानस्य केन्द्राणि न सन्ति, अपितु युवानां व्यक्तित्वनिर्माणस्य, सामाजिकचेतनायाः राष्ट्रनिर्माणस्य च महत्त्वपूर्णाः आधारशिलाः अपि सन्ति। युवासु सेवाभावं, सामाजिकदायित्वं राष्ट्रस्य प्रति कर्तव्यभावनां च सुदृढं कर्तुं समयस्य आवश्यकता अस्ति। सेवासङ्कल्पाभियानस्य माध्यमेन युवान् जनसेवया सामाजिकसरोकारैः च सह संयोजयितुं एषा महत्त्वपूर्णा पहलः भविष्यति।

पञ्जाबराज्यपालस्य चण्डीगढ़प्रशासकस्य गुलाबचन्दकटारियायाः साक्षात्कारावसरे डॉ. अर्चना गुप्तया सामाजिकसरोकाराणां, जनसेवायाः सङ्गठनसम्बद्धानां च विविधविषयाणां विषये चर्चा कृता। सा कटारियामहोदयस्य दीर्घकालीनसार्वजनिकजीवनस्य अनुभवाञ्च अपि श्रुतवती तथा विभिन्नविषयेषु तस्य मार्गदर्शनं प्राप्तवती।

डॉ. अर्चना गुप्ता अवदत् यत् प्रो. असीमकुमारघोषः गुलाबचन्दकटारियाश्च इव अनुभवीभ्यः वरिष्ठेभ्यः जनसेवकेभ्यः सह संवादः सदैव नूतनां ऊर्जां सकारात्मकां दिशां च प्रददाति। तयोः सार्वजनिकजीवनम्, व्यापकानुभवः समाजस्य राष्ट्रस्य च प्रति समर्पणं च सर्वेषाम् कृते प्रेरणादायकम् अस्ति।

Hindusthan Samachar / Dheeraj Maithani