Enter your Email Address to subscribe to our newsletters
जनपरिवादानां निस्तारणे उत्कृष्टप्रदर्शनम्, प्रतिपुष्टौ अपि प्रथमम्
लखनऊ, १० सितम्बरमासः (हि.स.)। योगीसर्वकारेण विगतेषु सार्धनववर्षेषु प्रदेशे सुशासनस्य जनसमस्यानां च शीघ्रसमाधानस्य दिशि क्रियमाणानां प्रयासानां प्रभावः धरातले स्पष्टतया दृश्यते। मुख्यमन्त्रिडैशबोर्ड इत्यस्य अगस्तमासस्य क्रमाङ्कने पुनरपि शाहजहाँपुरजनपदेन सम्पूर्णे प्रदेशे प्रथमं स्थानं प्राप्तम्। रामपुरजनपदेन द्वितीयं बरेलीजनपदेन तृतीयं स्थानं प्राप्तम्। रामपुरस्य, शाहजहाँपुरस्य बरेलीजनपदस्य च जिलाधिकारिभिः कथितं यत् जनशिकायतानां प्रभावी निस्तारणेन, उत्तमप्रतिपुष्ट्या प्रशासनिककार्यप्रणाल्यां सुधारात्मकाभिः प्रयत्नैःश्च एषा उपलब्धिः प्राप्ता।
शाहजहाँपुरे ९.५३ अङ्कैः प्रथमस्थानम्
शाहजहाँपुरस्य जिलाधिकारी धर्मेन्द्रप्रतापसिंहः अवदत् यत् मुख्यमन्त्रिडैशबोर्ड इत्यस्य प्रतिवेदनेषु तेषां जनपदानां प्रदर्शनस्य मूल्याङ्कनं क्रियते, येषु प्रशासनिकदक्षतायां, विकासकार्येषु राजस्वप्रबन्धने च उल्लेखनीयः कार्यः कृतः अस्ति। मुख्यमन्त्रिणः योगी आदित्यनाथस्य अभिप्रायानुसारं शाहजहाँपुरे विकासकार्याणि गुणवत्तापूर्वकं समयबद्धरूपेण च पूर्णानि क्रियन्ते। तेन सह मुख्यमन्त्रिडैशबोर्ड इत्यस्य माध्यमेन प्राप्तानां शिकायतानां गुणवत्तापूर्वकं शीघ्रं निस्तारणं क्रियते।
सः अवदत् यत् मुख्यमन्त्रिडैशबोर्ड इत्यस्य अगस्तमासस्य क्रमाङ्कने शाहजहाँपुराय दशसु ९.५३ अङ्काः प्राप्ताः। अनेन शाहजहाँपुरेण प्रदेशे प्रथमं स्थानं प्राप्तम्। रामपुरेण दशसु ९.४८ अङ्कान् प्राप्य प्रदेशे द्वितीयं स्थानं प्राप्तम्।
रामपुरेण दशसु ९.४८ अङ्कान् प्राप्य द्वितीयस्थानम्
रामपुरस्य जिलाधिकारी अजयकुमारद्विवेदी अवदत् यत् मुख्यमन्त्रिडैशबोर्डे जनपदानां मूल्याङ्कनं अनेकानां मानदण्डानाम् आधारेण क्रियते। अस्मिन् जनशिकायतानां समयबद्धं निस्तारणम्, प्राप्तशिकायतासु कृता कार्यवाही, प्रतिपुष्टेः गुणवत्ता योजनानां क्रियान्वयनं च समाविष्टानि सन्ति।
सः अवदत् यत् जुलैमासे मुख्यमन्त्रिडैशबोर्डस्य माध्यमेन जनपदस्य ६८ योजनानां निरीक्षणं कृतम्। तासु ६५ कार्यक्रमेषु जनपदेन ‘ए’ श्रेणी प्राप्ता। वैकल्पिकऊर्जा, ऊर्जा, कृषिविभागः, समाजकल्याणविभागः, लोकनिर्माणविभागः, नियोजनविभागः, ग्राम्यविकासविभागः, चिकित्सास्वास्थ्यविभागः, पशुपालनविभागः, आधारभूतशिक्षा, माध्यमिकशिक्षा, मत्स्यविभागः, उद्योगविभागः, सहकारिताविभागः सिंचाईविभागश्च इत्येतेषु कार्यक्रमेषु शतप्रतिशतं लक्ष्यं प्राप्तं कृत्वा ‘ए’ श्रेणी प्राप्ता।
मुख्यमन्त्रिडैशबोर्डस्य अगस्तमासस्य क्रमाङ्कने रामपुराय दशसु ९.४८ अङ्काः प्राप्ताः। अनेन पुनरपि रामपुरेण सम्पूर्णे प्रदेशे द्वितीयं स्थानं प्राप्तम्। तदतिरिक्तं रामपुरजनपदं विगतेभ्यः अनेकमासेभ्यः मुख्यमन्त्रिडैशबोर्डस्य क्रमाङ्कने शीर्षदशजनपदेषु निरन्तरं वर्तते। बरेलीजनपदेन ९.४३ अङ्कान् प्राप्य प्रदेशे तृतीयं स्थानं प्राप्तम्।
शीर्षदशजनपदेषु आजमगढ़ः, पीलीभीतः मैनपुरी च
मुख्यमन्त्रिडैशबोर्डस्य अगस्तमासस्य क्रमाङ्कने अनेकैः जनपदैः उत्तमं प्रदर्शनं कृत्वा शीर्षदशसु स्थानं प्राप्तम्। आजमगढ़ेन पीलीभीतेन च समानरूपेण ९.३६ अङ्काः प्राप्य चतुर्थं स्थानं प्राप्तम्। मैनपुरीजनपदेन ९.३४ अङ्काः प्राप्य पञ्चमं स्थानं प्राप्तम्।
एवमेव महाराजगञ्जेन ९.२७ अङ्काः प्राप्य षष्ठं स्थानम्, अम्बेडकरनगरस्य ९.२६ अङ्कैः सप्तमं स्थानम्, सुलतानपुरस्य ९.२४ अङ्कैः अष्टमं स्थानम्, हरदोयस्य ९.२३ अङ्कैः नवमं स्थानं तथा सोनभद्रस्य ९.२१ अङ्कैः दशमं स्थानं प्राप्तम्।