Enter your Email Address to subscribe to our newsletters
हरिद्वारम्, 10 सितंबरमासः (हि.स.)
एनालॉगपनीरस्य शिकायतासु खाद्यसुरक्षाविभागेन हरिद्वारे बृहत् कार्यवाही कृता। उपायुक्तस्य गढवालस्य आर. एस्. रावतस्य नेतृत्वे जिलाखाद्यसुरक्षाधिकारी महिमानन्दजोशी, वरिष्ठाधिकारी दिलीपजैनः तथा च दलस्य सदस्यैः पनीरनिर्माणैककानां, दुग्धालयानां, भोजनालयानां खाद्यतैलभाण्डाराणां च सघनं निरीक्षणं कृतम्।
जशोदरपुरे दुर्गागढे च स्थितानां पनीरनिर्माणैककानां परीक्षणे दुर्गागढस्य एककं स्थायिरूपेण बन्दं प्राप्तम्, यदा तु जशोदरपुरे २७ अगस्ततः नवीनीकरणस्य नवीनस्य च पैक्ड-एककस्य स्थापनायाः कारणेन उत्पादनं बन्दम् आसीत्।
सरायां स्थितस्य खाद्यतैलनिर्मातृकम्पन्याः भाण्डारेभ्यः कच्चीधानीसर्षपतैलस्य वनस्पतेः च द्वौ नमूनौ गृहीतौ। भाण्डारे स्वच्छतां सुरक्षितभण्डारणं च सुनिश्चितं कर्तुं निर्देशाः प्रदत्ताः। तत्र प्रायः ५० किलोग्राम् दूषितं बेसनं नष्टं कारितम्।
वरिष्ठाधिकारी कपिलदेवः रहमतपुरे, पीरानकलियरे च पनीरापूर्त्येककस्य निरीक्षणं कृतवान्, यत्र मेरठनगरस्य अनुज्ञापत्रधारिणः एककात् पैक्ड-पनीरस्य आपूर्तिः भवति इति पुष्टिः अभवत्। अत्र पनीरस्य एकः नमूना गृहीतः तथा अनुपालनस्य अभावे सूचना निर्गता। तस्सीपुर-रुड़कीस्थस्य दुग्धालयात् अपि एकः नमूना गृहीतः।
ब्रह्मपुरी-मनसादेवीमार्गात् वनस्पतेः एकः नमूनः अपि गृहीतः।
अपि च, पञ्जीकरणविहीनेषु अस्वच्छपरिस्थितिषु च व्यवसायं कुर्वतां पञ्च प्रतिष्ठानानां सन्तोषजनकं उत्तरं न प्राप्तत्वात् न्यायनिर्णायकाधिकरिणः न्यायालये वादाः संस्थापिताः। कार्यवाहीकाले समग्रतया षट् नमूनाः परीक्षणाय प्रेषिताः।
Hindusthan Samachar / Dheeraj Maithani