नवदिल्ली, ११ सेप्टेम्बरमासः (हि.स.)। भारतस्य आतिथ्ये आयोज्यमानं ब्रिक्स-शिखरसम्मेलनं भारतीयजनतापक्षस्य प्रवक्ता तथा सांसदः सुधांशुत्रिवेदी परिवर्तमानवैश्विकपरिदृश्ये अत्यन्तं महत्त्वपूर्णं मञ्चम् इति उक्तवान्। त्रिवेदी शुक्रवासरे प्रसारिते सन्देशे अवदत् यत् गत १२ वर्षेषु ब्रिक्समध्ये भारतस्य स्थितौ महत्त्वपूर्णः परिवर्तनः अभवत्। कदाचित् समूहस्य दुर्बलाम् अप्रासङ्गिकां च शृंखलां मन्यमानं भारतम् अद्य प्रधानमन्त्रिण: नरेन्द्रमोदिनः नेतृत्वे ब्रिक्सस्य महत्त्वपूर्णेषु सुदृढेषु च सदस्येषु अन्तर्भवति।

त्रिवेदी अवदत् यत् विश्वस्य विभिन्नेषु भागेषु निरन्तरं युद्धानि सङ्घर्षाश्च प्रचलन्ति। एतादृशे समये ब्रिक्स-सदृशस्य वैश्विकमञ्चस्य प्रासङ्गिकता अधिकं वर्धते। भारतस्य आतिथ्ये अस्य सम्मेलनस्य आयोजनं देशाय गौरवस्य विषयम् अस्ति। ब्रिक्स-सदस्यदेशाः विश्वस्य प्रायः ५० प्रतिशतं जनसंख्यां तथा वैश्विक-सकलगृहोत्पादस्य प्रायः ४० प्रतिशतं प्रतिनिधित्वं कुर्वन्ति। अतः अस्मिन् मञ्चे भव्यमानानां चर्चानां निर्णयानां च वैश्विकस्तरे व्यापकं प्रभावं भवितुं शक्नोति।

भाजपाप्रवक्तुः त्रिवेदी इत्यस्य अनुसारं सम्मेलने आर्थिकविकासेन व्यापारि-कावसरैः सह कृषिः, आनुवंशिकी, स्वास्थ्यं पर्यावरणं च इत्यादिषु अनेकेषु महत्त्वपूर्णक्षेत्रेषु सहयोगविषये चर्चा अपेक्ष्यते। सः विश्वासं प्रकटितवान् यत् वर्तमानवैश्विकपरिस्थितिषु भारतस्य आतिथ्ये आयोज्यमानं शिखरसम्मेलनं सकारात्मकां प्रभावशालिनीं च भूमिकां निर्वक्ष्यति।

त्रिवेदी अवदत् यत् ब्रिक्सस्य परिवर्तमानस्वरूपे भारतस्य वर्धमाना भूमिका देशस्य सुदृढां वैश्विकस्थितिं प्रदर्शयति। मोदिनः नेतृत्वे भारतम् अन्यैः सदस्यदेशैः सह मिलित्वा वैश्विकसमस्यानां समाधानं कर्तुं सहयोगस्य नूतनान् अवसरान् अन्वेष्टुं च अग्रे गच्छति।

Hindusthan Samachar / Divya Ranjan