रायगढ़म्, 11 सितंबरमासः (हि.स.)।

महाराजचक्रधर सिंहस्य कलासाधनायै समृद्धायै च सांस्कृतिकविरासतायै समर्पिते एकचत्वारिंशत्तमे अन्तरराष्ट्रीये चक्रधरसमारोहे २०२६ तमे वर्षे कलायाः संस्कृतेश्च विविधाः वर्णाः एकत्र द्रष्टुं लप्स्यन्ते।

रायगढस्य रामलीलामैदाने १४ सितम्बरतः २३ सितम्बरपर्यन्तम् आयोज्यमाने अस्मिन् दशदिवसीये सांस्कृतिकमहाकुम्भे स्थानीयप्रतिभाभ्यः आरभ्य देशस्य प्रदेशस्य च सुप्रसिद्धाः कलाकाराः स्वकलाप्रतिभया दर्शकान् मोहिताः करिष्यन्ति। प्रतिदिनं सायं षड्वादनतः प्रारभ्यमानासु सांस्कृतिकसन्ध्यासु शास्त्रीयनृत्येन, छत्तीसगढस्य लोककलाभिः, पण्डवानीप्रस्तुतिभिः, लोकसङ्गीतेन, कबीरभजनैः, गजलैः वाद्यप्रस्तुतिभिश्च भारतीयकलायाः संस्कृतेश्च समृद्धा परम्परा जीवन्तं स्वरूपं प्राप्स्यति।

संस्कृतिविभागेन, छत्तीसगढपर्यटनमण्डलेन जनसहयोगेन च जिलाप्रशासनेन आयोज्यमाने अस्मिन् प्रतिष्ठिते समारोहे पद्मश्रीसम्मानितैः कलाकारैः सह इण्डियन आइडल्-प्रसिद्धाः कलाकाराः अपि स्वप्रस्तुतिभिः दर्शकान् मन्त्र­मुग्धान् करिष्यन्ति। समारोहस्य विशेषता एषा भविष्यति यत् प्रतिपदं सायं कलायाः एका नूतना विधा नूतनश्च वर्णः दर्शकाणां पुरतः समागमिष्यति। दशदिनानि यावत् रायगढस्य रामलीलामैदानं स्वरस्य, तालस्य, नृत्यस्य लोकपरम्पराणां च अद्वितीयस्य सङ्गमस्य साक्षी भविष्यति।

गणेशवन्दनया शुभारम्भः, पण्डवानी-लोकसङ्गीतेन च सुसज्जिता प्रथमा सन्ध्या

समारोहस्य शुभारम्भः १४ सितम्बर्-दिनाङ्के वेदमणिसिंहठाकुरस्य शिष्यैः प्रस्तुतया गणेशवन्दनया भविष्यति। तदनन्तरं पद्मश्रीसम्मानितः अनुजशर्मा लोककलायाः सङ्गीतस्य च प्रस्तुतीः दास्यति। तत्रैव पद्मश्रीसम्मानिता डॉ. उषाबारले स्वकीयया पण्डवानीप्रस्तुत्या प्रथमां सांस्कृतिकसन्ध्यां स्मरणीयां करिष्यति।

लोकधुनिभिः, लोकगाथाभिः पण्डवानीपरम्परायाः च प्रभावशालिभिः प्रस्तुतिभिः समारोहस्य शुभारम्भः भविष्यति।

---------------

Hindusthan Samachar / Dheeraj Maithani