जयपुरम्, ११ सेप्टेम्बरमासः (हि.स.)। राजस्थानस्य नगरनिकायनिर्वाचनस्य २०२६ तमे वर्षे द्वितीयचरणस्य मतदानस्य अवसरे मुख्यमन्त्री भजनलालशर्मा प्रदेशवासिभ्यः स्वमताधिकारस्य अवश्यं प्रयोगं कर्तुं आह्वानं कृतवान्।

मुख्यमन्त्रिणा उक्तं यत् लोकतन्त्रस्य अस्मिन् महापर्वणि प्रत्येकस्य नागरिकस्य सहभागिता महत्त्वपूर्णा अस्ति। सः प्रदेशवासिभ्यः गृहात् निर्गत्य मतदान-केन्द्रेषु गत्वा स्वनगरस्य विकासाय उज्ज्वलभविष्याय च मतदानं कर्तुम् आह्वानं कृतवान्। मुख्यमन्त्रिणा भजन-लालशर्मणा उक्तं यत् प्रत्येकं मतं नगरस्य विकासस्य, उत्तमसुविधानां तथा उज्ज्वलभविष्यस्य आधारं सुदृढं करोति। अतः मतदानदिने सर्वे नागरिकाः स्वमतस्य प्रयोगं अवश्यं कुर्वन्तु।

सः विशेषरूपेण प्रथमवारं मतदानं कर्तुं गच्छद्भ्यः युवभ्यः पूर्णोत्साहेन लोकतन्त्रस्य अस्मिन् पर्वणि सम्मिलितुम् आग्रहं कृतवान्। तथा च युवभ्यः स्वपरिवारस्य सदस्याः, मित्राणि, परिचिताः च मतदानाय प्रेरयितुम् अपि आह्वानं कृतवान्। मुख्यमन्त्रिणा उक्तं यत् लोकतन्त्रस्य सुदृढीकरणे मतदातॄणां भूमिका सर्वाधिकमहत्त्वपूर्णा अस्ति। नगरनिकायनिर्वाचने प्रत्येकं मतदाता स्वमताधिकारस्य प्रयोगं कृत्वा स्वनगरस्य भविष्यं श्रेष्ठतरं कर्तुं योगदानं दातुं शक्नोति। सः सर्वेभ्यः प्रदेशवासिभ्यः मिलित्वा मतदानं कर्तुं लोकतन्त्रस्य अस्य महापर्वणः सफलतां सुनिश्चितं कर्तुम् आह्वानं कृतवान्।

Hindusthan Samachar / Divya Ranjan