कोलकाता, ११ सेप्टेम्बरमासः (हि.स.)। पश्चिमबङ्गे पञ्चदिवसीय-बैङ्किङ-व्यवस्थायाः कार्यान्वयनस्य याचनां कृत्वा देशभरस्य बैंककर्मचारिणः अधिकारिणश्च विरोधं कर्तुं सज्जाः सन्ति। बैंकिङ्गक्षेत्रस्य संघटनैः पञ्चदिवसीय-बैङ्किङव्यवस्थायाः कार्यान्वयनाय सर्वकारे बलं क्रियते।

अखिलभारतीय-बैंक-अधिकारिसंघस्य उपाध्यक्षः सुभ्रज्योतिः चटर्जी अवदत् यत् शुक्रवासरे आयोज्यमानायाः बैंकविरोधस्य मुख्यः विषयः पञ्चदिवसीय-बैङ्किङ-व्यवस्थायाः कार्यान्वयनम् अस्ति। तेन उक्तं यत् यूनाइटेड् फोरम ऑफ बैंक यूनियन्स इत्यनेन अस्य विषयस्य सम्बन्धे पूर्वमेव २८, २९, ३० सेप्टेम्बरमासेषु त्रिदिवसीय-विरोधस्य घोषणा कृता अस्ति।

सः अवदत् यत् यदि सर्वकारेण अस्य विषयस्य समाधानं न क्रियते, तर्हि २६ अक्टोबरमासात् निरन्तरं विरोधं प्रारब्धुं संचेतना प्रदत्ता अस्ति। तस्य अनुसारं बैंक-संघटनानां बह्व्यः अन्याः अपि मागाः सन्ति, किन्तु सम्प्रति पञ्चदिवसीय-बैङ्किङव्यवस्थायाः कार्यान्वयनमेव प्रमुखतमा याचना अस्ति।

सुभ्रज्योतिना चटर्जिना उक्तं यत् पञ्चदिवसीय-बैङ्किङव्यवस्थायाः प्रस्तावः सर्वकारेण पूर्वमेव स्वीकृतः अस्ति। तेन उक्तं यत् २०२४ तमे वर्षे सम्पन्नस्य द्विपक्षीय-समझौतेस्य तथा बैंकिङ्ग-उद्योगस्य वेतन-संशोधनसमझौतेस्य समये पञ्चदिवसीय-बैङ्किङव्यवस्थायै सहमतिः अभवत्। तथापि अद्यापि अस्याः व्यवस्थायाः पूर्णरूपेण कार्यान्वयनं न कृतम् अस्ति।

बैंक-अधिकारिणः कथयन्ति यत् सप्ताहे पञ्चदिनं बैंकिङव्यवस्था कार्यान्विता भवति चेत् बैंककर्मचारिभ्यः शनिवासरे रविवासरे च अवकाशः प्राप्स्यति। संघटनानां तर्कः अस्ति यत् अनेन कर्मचारिणां कार्य-जीवन-सन्तुलने सुधारः भविष्यति, अपरं च ग्राहकाः डिजिटल-बैंकिङ्ग इतस्य अन्यासां च अन्तर्जाल-सेवानां माध्यमेन निरन्तरं बैंकिङ्ग-सुविधाः प्राप्स्यन्ति।

बैंक-संघटनैः सर्वकारात् पञ्चदिवसीय-बैङ्किङव्यवस्थायाः कार्यान्वयनस्य प्रक्रिया शीघ्रं पूर्णां कर्तुं याचना कृता अस्ति। सहैव संचेतना प्रदत्ता यत् याचनायां सकारात्मकः निर्णयः न भवति चेत् आन्दोलनं चरणबद्धरूपेण अधिकं व्यापकं करिष्यते।

Hindusthan Samachar / Divya Ranjan