लखनऊ, ११ सेप्टेम्बरमासः (हि.स.)। उत्तरप्रदेशस्य राजधानी लखनऊनगरे ११ सेप्टेम्बरस्य ऐतिहासिकदिवसस्य अवसरे मार्गाः युवजनानां उत्साहेन राष्ट्रभक्तेः भावनया च परिपूर्णाः दृश्यन्ते स्म। ‘युवराष्ट्र’-संस्थया शुक्रवासरे लखनऊ-नगरे भव्य-मैराथन-धावनस्य आयोजनं कृतम्। अस्यां धावनस्पर्धायां राजधानी-प्रदेशात् समीपवर्तिभ्यः क्षेत्रेभ्यश्च आगताः बहुसंख्यकाः युवानः भागं गृहीतवन्तः।

मैराथन-धावनस्य शुभारम्भः ऐतिहा-सिकस्य हनुमानसेतुमन्दिरस्य पुरतः अभवत्। धावनस्य आरम्भमात्रेण युवजनसमूहः लक्ष्यस्य दिशि तीव्रवेगेन अग्रे प्रस्थितः। अस्य धावनस्य समापनं गोमतीनगरस्थिते १०९०-चतुष्पथे अभवत्। सम्पूर्णे धावनमार्गे युवसु अद्भुतः उत्साहः ऊर्जाश्च दृष्टः। अस्मिन् समये सर्वे प्रतिभागिनः ‘युवराष्ट्र’-संस्थायाः आधिकारिकचिह्नयुक्तानि विशिष्टानि टी-शर्ट्-परिधानानि धृतवन्तः।

मैराथनस्य समापनावसरे १०९०-चतुष्पथे विशेषः सम्मानसमारोहः आयोजितः। अस्मिन् धावनस्पर्धायां प्रथमं, द्वितीयं, तृतीयं च स्थानं प्राप्तवन्तः धावकाः पदकैः प्रशस्तिपत्रैश्च सम्मानिताः।

कार्यक्रमे मुख्यातिथिरूपेण राष्ट्रियस्वयं-सेवकसङ्घस्य लखनऊ-विभागस्य विभागप्रचारकः अनिलः, प्रसिद्धः समाजसेवकः विनयश्रीवास्तवः, अनिमेषो-परेती च विशेषरूपेण उपस्थिताः आसन्। कार्यक्रमस्य प्रारम्भे ‘युवराष्ट्र’-संस्थायाः प्रान्तीयपदाधिकारी सिद्धार्थसिंहः मञ्च-स्थेभ्यः सर्वेभ्यः अतिथिभ्यः स्मृति-चिह्नानि प्रदाय स्वागतं कृतवान्। कार्यक्रमस्य सञ्चालनं ‘ज्वाइन आरएसएस्’-इत्यस्य प्रान्तप्रमुखः अजयजोशी अकरोत्।

अन्ते अतिथयः युवभ्यः ११ सेप्टेम्बरमासस्य ऐतिहासिकमहत्त्वं—यथा स्वामी-विवेकानन्दस्य शिकागोनगरे भाषणम्—स्मारयित्वा राष्ट्रनिर्माणे स्वकीयाम् ऊर्जां विनियोक्तुं आह्वानं कृतवन्तः।

Hindusthan Samachar / Divya Ranjan