नव दिल्ली, 11 सितंबरमासः (हि.स.)।महाराष्ट्रस्य नान्देडे मार्गदुर्घटनायां जनानां मृत्योः प्रधानमन्त्रिणा नरेन्द्रमोदिना दुःखप्रकाशनम्, अनुग्रहराशेः घोषणा

नवदिल्ली, 11 सितम्बरमासः (हि.स.)। प्रधानमन्त्रिणा नरेन्द्रमोदिना शुक्रवासरे महाराष्ट्रस्य नान्देडे अभवत् मार्गदुर्घटनायां जनानां मृत्योः विषये गभीरं दुःखं व्यक्तं कुर्वता मृतानां परिजनेभ्यः घायतेभ्यश्च अनुग्रहराशेः घोषणा कृता। प्रधानमन्त्रिणा प्रधानमन्त्रिराष्ट्रिय-रक्षणकोषात् प्रत्येकं मृतकस्य निकटतमाय परिजनाय द्विलक्षरूप्यकाणि तथा च प्रत्येकस्मै घायते पञ्चाशत्सहस्ररूप्यकाणि दातुं घोषणा कृता।

प्रधानमन्त्रिणा दुर्घटनायां प्राणान् त्यक्तवतां जनानां परिजनेभ्यः संवेदना व्यक्तीकुर्वता उक्तं यत् दुःखस्य अस्मिन् समये तस्य संवेदनाः शोकसन्तप्तपरिवारेभ्यः सह सन्ति। सः घायतानां शीघ्रस्वास्थ्यलाभस्य कामनामपि अकरोत्।

प्रधानमन्त्रिकार्यालयेन सामाजिकमाध्यममञ्चे ‘एक्स’ इत्यत्र उक्तम्— ‘‘महाराष्ट्रस्य नान्देडे अभवत् दुर्घटनायां जनानां मृत्योः दुःखितोऽस्मि। दुःखस्य अस्मिन् समये मम संवेदनाः शोकसन्तप्तपरिवारेभ्यः सह सन्ति। घायतानां शीघ्रस्वास्थ्यलाभस्य कामनां करोमि।’’

उपराष्ट्रपतिना सी.पी. राधाकृष्णनेनापि नान्देडे अभवत् मार्गदुर्घटनायां जनानां मृत्योः गभीरं दुःखं व्यक्तम्। तेन शोकसन्तप्तपरिवारेभ्यः हार्दिकसंवेदना प्रकटयता घायतानां शीघ्रस्वास्थ्यलाभाय प्रार्थना कृता।

लोकसभाध्यक्षेण ओमबिरला इत्यनेन नापि दुर्घटनायाः विषये शोकः व्यक्तः। तेन मृतानां परिवारेभ्यः संवेदना प्रकटयता आहतानां शीघ्रस्वास्थ्यलाभस्य कामना कृता तथा च अस्यां दुर्भाग्यपूर्णघटनायां प्रभावितेभ्यः सर्वेभ्यः जनानां दुःखं सोढुं शक्तिं प्रदातुं प्रार्थना कृता।

उल्लेखनीयं यत् महाराष्ट्रस्य भण्डारा-मण्डलस्य समीपे नान्देडे नागपुर-रायपुर-राजमार्गे अद्य प्रातः ट्रकयानस्य बोलेरोयानस्य च सङ्घट्टनेन नव जनानां मृत्युः अभवत् तथा च अन्ये नव जनाः घातिताः अभवन्।

-------------

Hindusthan Samachar / Dheeraj Maithani