नवदिल्ली, ११ सेप्टेम्बरमासः (हि.स.)। दिल्लीप्रदेशस्य पर्यावरणमन्त्री मन-जिन्दरसिंहसिरसा श्रीहेमकुण्डसाहिबस्य पवित्रयात्रायै आगच्छतः पाकिस्तानी-सिक्खश्रद्धालून् फैसलाबादविमान-स्थानके निरोधितुं धार्मिकभावनासु श्रद्धायां च साक्षात् प्रहारम् अवर्णयत्।

सिरसा शुक्रवासरे ‘एक्स’-इत्यत्र प्रकाशिते सन्देशे अवदत् यत् पाकिस्तानी-सिक्खश्रद्धालून् फैसलाबादविमान-स्थानके एनओसी इत्यस्य नाम्ना तेषां यात्रायां विघ्नान् उत्पादयितुं तत्रत्यायाः पाकिस्तान-सर्वकारस्य घृणितमान-सिकतायाः अल्पसंख्यकेषु क्रियमाणानाम् अत्या-चाराणां च अन्यत् लज्जाजनकं प्रमाणम् अस्ति। स्वगुरोः दरबारे नतमस्तकं भवितुं गच्छतः श्रद्धालून् निरोद्धुं तेषां धार्मिकभावनासु श्रद्धायां च साक्षात् प्रहारः अस्ति।

सिरसा अवदत् यत् पाकिस्तानसर्वकारस्य एषा प्रवृत्तिः स्पष्टतया दर्शयति यत् सः न इच्छति यत् सिखश्रद्धालवः स्वगुरोः चरणेषु प्राप्य प्रार्थनां कर्तुं शक्नुयुः। एतादृशाभिः क्षुद्रचेष्टाभिः सा अस्माकं श्रद्धां विचालयितुं न शक्नोति। पाकिस्तानसर्वकारः स्वस्य अस्याः निन्दनीयचेष्टायाः कृते तत्क्षणं क्षमां याचेत् तथा च विलम्बं विना सर्वेभ्यः श्रद्धालुभ्यः सुरक्षितरूपेण भारतम् आगन्तुं अनुमतिं ददातु, येन ते श्रीहेमकुण्डसाहिबे उपस्थितिं दत्त्वा नतमस्तकाः भवितुं शक्नुयुः।

सः अवदत् यत् पाकिस्तानं स्मरतु—धर्ममार्गे भित्तिनां निर्माणेन श्रद्धां निवारयितुं न शक्यते। खालसापन्थः सिक्खसङ्गतिश्च अस्य अन्यायस्य विस्मरणं कदापि न करिष्यतः।

Hindusthan Samachar / Divya Ranjan