Enter your Email Address to subscribe to our newsletters
नवदिल्ली, ११ सेप्टेम्बरमासः (हि.स.)। प्रधानमन्त्री नरेन्द्रमोदी तथा ईरानदेशस्य राष्ट्रपतिः डॉ. मसूद पेज़ेश्कियानः शुक्रवासरे पश्चिम-एशियायां साम्प्रतिकानां घटनानां विषये विचारानाम् आदान-प्रदानं कृतवन्तौ। प्रधानमन्त्री भारतस्य सततं मतं पुनः प्रतिपादितवान् यत् सर्वे विषयाः वार्तया कूटनीत्या च समाधानं प्राप्नुयुः। क्षेत्रे स्थायिशान्तेः स्थिरतायाश्च सुनिश्चिती-करणाय, नौसञ्चालनस्य व्यापारस्य च स्वातन्त्र्यस्य रक्षणाय तथा समुद्रीयात्रिणां सुरक्षायै कल्याणाय च निरन्तर-प्रयत्नानाम् आवश्यकता अस्ति इत्यपि सः बलं दत्तवान्।
प्रधानमन्त्री नरेन्द्रमोदी शुक्रवासरे नवदिल्ल्यां ब्रिक्स-शिखरसम्मेलनस्य समये ईरानस्य राष्ट्रपतिना डॉ. मसूद पेज़ेश्कियानेन सह मिलितवान्। द्वयोः नेत्र्योः द्विसप्ताहात् न्यूनसमये अयं द्वितीय: साक्षात्कार: आसीत्। इतः पूर्वं ३१ अगस्त-दिनाङ्के बिश्केके एससीओ-शिखर-सम्मेलनस्य समये तयोः साक्षात्कार: अभवत्।
विदेशमन्त्रालयस्य अनुसारं प्रधानमन्त्री ब्रिक्स इत्यादिषु बहुदेशीयसङ्घटनेषु परस्परहितसम्बद्धेषु विषयेषु उभयोः पक्षयोः मध्ये निरन्तरं प्रचलितस्य सहयोगस्य प्रशंसां कृतवान्।
उभौ नेतारौ परस्परसंबन्धानां विभिन्न-पक्षेषु चर्चा कृतवन्तौ। प्रधानमन्त्री कठिनपरिस्थितीनाम् अपि मध्ये ब्रिक्स-सम्बद्धासु सभासु ईरानस्य नियमितायै उच्चस्तरीयायै च सहभागितायै ईरानं प्रति कृतज्ञतां व्यक्तवान्। ‘ग्लोबल साउथ’ इति विकासशीलदेशानां मध्ये शिथिलतायाः, नवाचारस्य, सहयोगस्य स्थिरतायाश्च भावनां वर्धयितुं ब्रिक्स-सङ्घटनस्य सामर्थ्यस्य उल्लेखं सः कृतवान्। ब्रिक्स-व्यापारमञ्चस्य नेतृसत्रे सहभागितायै राष्ट्रपतिं पेज़ेश्कियानम् अपि सः धन्यवादं दत्तवान्।
Hindusthan Samachar / Divya Ranjan