Enter your Email Address to subscribe to our newsletters
गंगटोकम्, 11 सितंबरमासः (हि.स.)।सिक्किमस्य मुख्यमन्त्रिणा प्रेमसिंह तमाङ्गेन षष्टितमे नाथुलाविजयदिवसस्य अवसरे भारतीयसेनायाः वीरजवानानां, अधिकारिणां, सैनिकानां तथा पूर्वसैनिकानां, विशेषतः सिक्किमे सेवारतानां सुरक्षाकर्मिणां प्रति हार्दिकशुभकामनाः प्रदत्ताः।
शुक्रवासरे स्वसन्देशे मुख्यमन्त्री उक्तवान् यत् अयं ऐतिहासिकदिवसः राष्ट्रस्य सम्प्रभुतायाः प्रादेशिक-अखण्डतायाश्च रक्षणाय दृढतया स्थितानां सशस्त्रबलानां साहसं, वीरतां परमबलिदानं च स्मारयति। तेन कर्तव्यनिर्वहणस्य समये परमबलिदानं दत्तवद्भ्यः सर्वेभ्यः वीरभटेषु गभीरः सम्मानः प्रकटितः।
मुख्यमन्त्रिणा नाथुलां भारतीयसशस्त्रबलानां साहसस्य, दृढतायाः राष्ट्रियसङ्कल्पस्य च स्थायीप्रतीकम् उक्त्वा कथितं यत् कठिनभौगोलिकपरिस्थितिषु, तीव्रशीतकाले प्रतिकूलपरिस्थितिषु च सैनिकाः राष्ट्रं प्रति स्वकर्तव्यस्य निरन्तरं निर्वहणं कुर्वन्ति।
तेन दशकान् यावत् सिक्किमस्य प्रगतेः, शान्तेः सुरक्षायाश्च विषये भारतीयसेनया निर्वह्यमानायाः अमूल्यभूमिकायाः अपि उल्लेखः कृतः। मुख्यमन्त्रिणा उक्तं यत् सिक्किमस्य जनाः सशस्त्रबलानां परमं सम्मानं कुर्वन्ति तथा तेषां सेवायाः बलिदानस्य च प्रति गभीरां कृतज्ञतां धारयन्ति।
विजयदिवसस्य अवसरे मुख्यमन्त्रिणा सर्वेभ्यः सैनिकानाम् अदम्यसाहसं नन्तुं तथा राष्ट्रस्य एकतायाः, अखण्डतायाः सम्प्रभुतायाश्च प्रति सामूहिकप्रतिबद्धतां पुनः दृढीकर्तुम् आह्वानं कृतम्।
उल्लेखनीयं यत् नाथुलाविजयदिवसः सिक्किमे आचर्यमाणः महत्त्वपूर्णः सैन्यस्मृतिदिवसः अस्ति। अयं दिवसः १९६७ तमे वर्षे नाथुलाक्षेत्रे भारत-चीनयोः सेनयोः मध्ये अभवति सैन्यसङ्घर्षे भारतीयसेनया प्रदर्शितस्य साहसस्य दृढतायाश्च स्मरणार्थम् आचर्यते।
---------------
Hindusthan Samachar / Dheeraj Maithani