नवदिल्ली, १२ सेप्टेम्बरमासः (हि.स.)। वियतनामस्य प्रधानमन्त्री ले मिन्ह हुंगः अष्टादशे ब्रिक्स-शिखरसम्मेलने भागं ग्रहीतुं नवदिल्ली इत्यत्र प्राप्तवान्। विदेश-मन्त्रालयस्य प्रवक्ता रणधीरजायसवालः तस्य भारतयात्रायाः विषये सूचनां दत्तवान्।

रणधीरजायसवालेन सामाजिक-माध्यमे ‘एक्स’ इत्यत्र उक्तं यत् वियतनामस्य प्रधानमन्त्री ले मिन्ह हुंगस्य नवदिल्ली इत्यत्र प्राप्तेः अनन्तरं स्वागतं कृतम्। विमानपत्तने केन्द्रीयनागरविमानन-राज्यमन्त्री मुरलीधरमोहोलः तस्य स्वागतं कृतवान्।

तेन उक्तं यत् भारत-वियतनामयोः मध्ये उन्नता व्यापक-रणनीतिक-सहभागिता वर्तते, या दीर्घकालिकमैत्रीपूर्णसम्बन्धेषु सहकारे च आधारिताऽस्ति। उभयोः देशयोः मध्ये रक्षाक्षेत्रे, सुरक्षाक्षेत्रे, वित्तीय-प्रौद्योगिक्यां, महत्त्वपूर्णखनिजेषु तथा अन्येषु उदयमानेषु क्षेत्रेषु च सहयोगः निरन्तरं विस्तरति।

जायसवालेन उक्तं यत् भारतं वियतनामश्च बहुपक्षीयमञ्चेषु अपि निकटसहयोगेन कार्यं कुरूतः।

Hindusthan Samachar / Divya Ranjan