Enter your Email Address to subscribe to our newsletters
नव दिल्ली, 12 सितंबरमासः (हि.स.)।
कांग्रेस्-पक्षेण केन्द्रसर्वकारात् अष्टादशे ब्रिक्स-शिखरसम्मेलने वैश्विकदक्षिणस्य देशानां मध्ये भारतस्य कूटनीतिकभूमिकां विश्वासं च सुदृढं कर्तुं दिशि दृढपदानि स्वीकरणस्य आग्रहः कृतः। पक्षेण उक्तं यत् भारतं ब्रिक्स्-माध्यमेन समायाः सन्तुलितायाश्च वैश्विकव्यवस्थायाः निर्माणे प्रभावपूर्णां भूमिकां निर्वहेत्। पूर्वविदेशमन्त्री कांग्रेस्-पक्षस्य विदेशविषयकविभागस्य अध्यक्षः च सलमान् खुर्शीदः आधिकारिकवक्तव्ये उक्तवान् यत् भारतं ब्रिक्स्-मध्ये नैतिकनेतृत्वेन रणनीतिकस्पष्टतया च कार्यं कुर्यात् तथा च राष्ट्रियहितानां संवर्धनेन सह नियमाधारितायाः अन्तर्राष्ट्रीयव्यवस्थायाः, सार्वभौमसमानतायाः, शान्तिपूर्णसह-अस्तित्वस्य, मानवगरिमायाश्च सिद्धान्तानामपि प्राथमिकतां दद्यात्।
खुर्शीदः उक्तवान् यत् प्रधानमन्त्री नरेन्द्रमोदी यथा भारतं वैश्विकदक्षिणस्य स्वररूपेण स्थापयितुं विषयं पुनः पुनः उक्तवान्, तत् निरन्तरेण प्रभाविणा च कार्येण सम्बद्धं करणीयम्। सर्वकारेण ईरान्-देशे कृतानां आक्रमणानां विषये भारतस्य कथितां स्थितिं, पश्चिमेशियायां प्रचलितस्य युद्धस्य समये भारतस्य सीमितां कूटनीतिकां भूमिकां तथा दक्षिणाफ्रिकादेशे उत्पन्नस्य कूटनीतिकदबावस्य समये पर्याप्तसमर्थनं न प्रदत्तम् इत्यादीनां विषयाणां विषये विशेषपदानि स्वीकरणीयानि।
पक्षेण उक्तं यत् वैश्विकदक्षिणस्य सहकारिदेशानां विश्वासं पुनः प्राप्तुं सर्वकारेण एतत् प्रदर्शयितव्यं यत् संकटसमये अपि भारतं विश्वसनीयः रचनात्मकश्च सहयोगी अस्ति। कांग्रेस्-पक्षेण ब्रिक्स्-देशानां मध्ये व्यापारसम्बन्धेषु भारतस्य कृते अधिकसन्तुलनस्य आवश्यकता प्रतिपादिता। पक्षस्य विदेशविभागस्य पक्षतः उक्तं यत् वैश्विकवस्तुव्यापारे ब्रिक्स्-देशानां सहभागिता १९.६ प्रतिशतं विद्यते, किन्तु ब्रिक्स्-देशैः सह भारतस्य व्यापारसम्बन्धः अत्यन्तम् असन्तुलितः अस्ति।
सर्वकारेण ब्रिक्स्-अध्यक्षतायाः उपयोगः भारतीयवस्तूनां सेवायाश्च कृते उत्तमविपणिप्रवेशं सुनिश्चितं कर्तुं, गैरशुल्कीयबाधाः दूरीकर्तुं तथा भारतीयकम्पनीनां कृते निष्पक्षाः पूर्वानुमेयाश्च व्यावसायिकपरिस्थितयः निर्मातुं करणीयः। कांग्रेस्-पक्षेण आपूर्तिशृङ्खलां सुरक्षितां कर्तुं समावेशिन्याः सम्पर्कव्यवस्थायाः च विकासे सहमतिनिर्माणस्य आवश्यकतामपि प्रतिपादिता।
पक्षेण २०१४ तमे वर्षे स्थापितां आकस्मिकआरक्षितव्यवस्थां प्रभावशालिनीं कर्तुं दिशि कार्यं कर्तुं आग्रहः कृतः। कांग्रेस्-पक्षेण उक्तं यत् भारतं अस्यै व्यवस्थायै अष्टादश अरब-अमेरिकीडॉलर्-धनस्य प्रतिबद्धतां प्रदत्तवान् अस्ति। पक्षेण २०२१ तमे वर्षे भारतस्य अध्यक्षतायां सम्पन्ने ब्रिक्स्-सम्मेलने कृतानां प्रतिज्ञानां पूर्तये अग्रे कार्यं कर्तुं तथा संयुक्तराष्ट्रसुरक्षापरिषदि भारतस्य स्थायी-सदस्यतायै दावस्य दृढसमर्थनं सुनिश्चितं कर्तुमपि आग्रहः कृतः।
कांग्रेस्-पक्षेन आशा व्यक्ता यत् प्रधानमन्त्री मोदी ब्रिक्स्-शिखरसम्मेलने सम्पन्नानां चर्चानां स्वीकृतानां च निर्णयानां विषये देशं सूचयितुं पत्रकारसम्मेलनं करिष्यति।
---------------
Hindusthan Samachar / Dheeraj Maithani