Enter your Email Address to subscribe to our newsletters
मुरादाबादम्, १२ सेप्टेम्बरमासः (हि.स.)। जनपदाधिकारी डॉ. राजेन्द्रपैन्सिया-महोदयस्य निर्देशानुसारं मुरादाबाद-जनपदस्य परिषदीय-विद्यालयेषु शैक्षिक-गुणवत्तायै नूतनदिशां प्रदातुं निरन्तरं नवाचारी प्रभावी च प्रयासाः क्रियन्ते। विद्यालयेषु केवलं पाठ्यक्रमा-धारित-शिक्षणं प्रति सीमितं न भूत्वा विद्यार्थिनां सर्वाङ्गीणविकासः, सृजना-त्मकक्षमता, तार्किकचिन्तनम्, आत्म-विश्वासः, अभिव्यक्तिकौशलम्, क्रीडाः तथा पाठ्यसहगामिक्रियाकलापेषु सह-भागिता च शिक्षणप्रक्रियायाः महत्त्वपूर्णः भागः क्रियते।
तदतिरिक्तं विद्यालयस्य अभिभावकैः सह उत्तमसमन्वयं स्थापयितुं तथा बालानां प्रगत्याम् अभिभावकानां सक्रिय-सहभागितां सुनिश्चितं कर्तुं विशेषं बलं दीयते।
विकासखण्डे मूँढापाण्डे उच्चप्राथमिक-विद्यालये जैतिया-सादुल्लापुरे विद्यालय-प्रबन्धनसमितेः अभिभावक-सङ्घस्य च सभायाः समये छात्राणां समग्रप्रगतिपत्राणि अभिभावकैः सह सहभागी कृतानि। अभिभावकेभ्यः बालानां शैक्षिक-उपलब्धीभि: सह तेषां सहशैक्षिक-क्रियाकलापानां, व्यावहारिक-विकासस्य, सहभागितायाः अन्येषु क्षेत्रेषु च अभवतां प्रगतेः विषये विस्तरेण जानकारी प्रदत्ता। समग्रप्रगतिपत्रस्य माध्यमेन अभिभावकाः स्वबालानां अधिगमस्थितिं सम्यक् अवगन्तुं अवसरं प्राप्नुवन्ति तथा विद्यालयेन सह बालानां शैक्षिकप्रगत्यां अधिकप्रभावेण सहभागिन: भवन्ति।
स्मार्ट-कक्षाभिः प्रयोगशालाभिश्च सुलभं भवति अध्ययनम्
सभायाः समये अभिभावकाः विद्यालये उपलब्धैः शैक्षिकसंसाधनैः सञ्चाल्यमानैः क्रियाकलापैश्च परिचिताः कारिताः। विद्यालये स्मार्ट-कक्षा, पुस्तकालयः, विज्ञान-गणित-प्रयोगशाला इत्यादीनां सुविधानां उपयोगः विद्यार्थिभ्यः विषयान् केवलं पुस्तकरूपेण पठयितुं न, अपितु तान् अवगन्तुं, प्रयोगं कर्तुं व्यावहारिकरूपेण च अधिगन्तुं अवसरं प्रदातुं क्रियते।
प्राथमिकविद्यालये मझरा-मानपुर-साबितेऽपि नवाचारैः सुदृढा भवति शिक्षायाः आधारशिला
विकासक्षेत्रे डिलारी प्राथमिकविद्यालये मझरा-मानपुर-साबितेऽपि शैक्षिक-गुणवत्तायै विद्यार्थिनां सर्वाङ्गीण-विकासाय च विभिन्नाः प्रभावकारिणः नवाचारी च प्रयासाः क्रियन्ते। विद्यालये बालकेभ्यः एतादृशं वातावरणं प्रदातुं विशेषं ध्यानं दीयते, यत्र ते निःसंकोचं स्वकीयां वाचं वक्तुं, क्रियाकलापेषु सक्रियतया भागं ग्रहीतुं आनन्देन च अधिगन्तुं शक्नुयुः।
विद्यालये क्रीडाभिः सह शिक्षणम्, क्रियाकलापाधारितं शिक्षणम्, शैक्षिक-प्रौद्योगिकीनां प्रभावी प्रयोगः, बालानां सक्रियसहभागिता तथा गृहमिव आत्मीयवातावरणस्य निर्माणं प्रति विशेषं बलं दीयते। शिक्षणप्रक्रियायां कथाः, कविताः, संवादाः, क्रियाकलापाः विविधाः शिक्षण-अधिगम-सामग्र्यश्च प्रयुज्यन्ते, येन बालकान् विषयैः सह सम्बद्धान् कर्तुं प्रयासः क्रियते।
Hindusthan Samachar / Divya Ranjan