Enter your Email Address to subscribe to our newsletters
नव दिल्ली, 12 सितंबरमासः (हि.स.)।
प्रधानमन्त्रिणा नरेन्द्रमोदिना अत्र आयोजितस्य अष्टादशस्य ब्रिक्सशिखरसम्मेलनस्य समये नाविकानां सुरक्षायै ब्रिक्सस्य सदस्यदेशानां मध्ये ‘नाविकानाम् आपत्कालीनसहायताजालम्’ निर्मातुं प्रस्तावः प्रस्तुतः।
भारतस्य अध्यक्षतायाम् आयोजितं शिखरसम्मेलनं सम्बोधयन् मोदी ब्रिक्सदेशेभ्यः समुद्रीययातायातं सुरक्षितं कर्तुं समुद्रसुरक्षाजालस्य निर्माणस्य विषये कथितवान्। सुरक्षां सुनिश्चितं कर्तुं सः रूस-चीन-ईरानादीनां एकादश ब्रिक्ससदस्यदेशानां मध्ये नाविकजालस्य प्रस्तावं प्रस्तुतवान्।
सः उक्तवान् यत् समुद्रीयनाविकाः वैश्विकव्यापारे महत्त्वपूर्णं योगदानं ददति, तथापि कठिनसमये तेभ्यः प्रायः आवश्यकसहायता न प्राप्यते। तस्य प्रस्तावः अस्ति यत् समुद्रीयम् आपत्कालीनसहायताजालं निर्मीयेत।
मोदी उक्तवान् यत् समुद्रीयनाविकाः वैश्विकव्यापारे महत्त्वपूर्णं योगदानं ददति, तथापि कठिनसमये तेभ्यः प्रायः आवश्यकसहायता न प्राप्यते। सः अवदत्, “मम प्रस्तावः अस्ति यत् वयं समुद्रीयम् आपत्कालीनसहायताजालं निर्मामः, येन सम्बन्धितदेशानां समुद्रीयाधिकारिभिः राजनयिकैः च सह सम्पर्कः स्थापितुं शक्यते।”
सः स्वीयसम्बोधने उक्तवान् यत् अनेन सङ्कटकाले सचेतनासन्देशप्रेषणं, चिकित्सासहायता, परिवारेभ्यः सूचनाप्रदानं जनानां च सुरक्षितरूपेण निष्कासनं सुलभं भविष्यति।
रूसस्य राष्ट्रपतिः व्लादिमीर् पुतिनः, चीनस्य राष्ट्रपतिः शी जिनपिङ्गः, ईरानस्य राष्ट्रपतिः मसूद् पेजेश्कियानः, दक्षिणाफ्रिकायाः राष्ट्रपतिः सिरिल् रामाफोसा च अन्ये च बहवः नेतारः नवदिल्ल्याः भारतमण्डपमायां आयोजिते द्विदिवसीये ब्रिक्सशिखरसम्मेलने भागं गृह्णन्ति।
उल्लेखनीयं यत् ब्रिक्सशिखरसम्मेलने प्रधानमन्त्रिणा मोदिना ब्रिक्सस्य विंशतिवर्षपूर्तेः उपलक्ष्ये द्वे पत्रालयचिटिके विमोचिते।
---------------
Hindusthan Samachar / Dheeraj Maithani